| Curry's profile我愛這世界PhotosBlogLists |  Tools  Help |
|
September 30 永恆特別版--給留在鏡記的你告 別 鏡 記 時 張 小 喱 改篇自李克勤的<<告別校園時>> 一 天 一 天 的 我 在 期 待 D O 終 於 終 於 不 懂 得 除 顫 OXYLOG * 這 中 毒 這 抽 筋 這 出 血 這 發 狂 #OOH! 曾 同 遇 上 OHH! 德興肥羊都預你(這句加的) ------------------ 今日回家路上想到的.. 9月30日的d4更....
September 24 日記353好恐怖的颱風哦!!!
希望黎得快,走得快la!!! 因為,我又要去玩la! 倒數6天!
今日去辦離職手續..
看來,似夢非夢,
原來總要面對... 有點不捨,
但卻要走得瀟灑!
選擇了,就不要回望,
看到現在那不公平,像似比人玩的更表,(離職人事都要比人玩!因為你唔撈)
每天都放7點,衰到出汁! 我在想,讓這人給我排更,真的有排折磨! 我忍,但是...我又不捨可愛的同事和同學... 然後...然後...
所以我會好好享受我每一天...
忙,我會努力幹,
裡,我會係護長室裡面的休息室拿野食和野飲~ 偷,我會偷偷吃小朋友的食物!
閒,我會努力影相..
好好玩,好開心~
明天...即是星期四係我在鏡記最後的一part夜班.. 見到同事下個月的夜班表,真係欲哭無淚..
慶幸自己甩難,但又為留在那裡的同事心痛...
不過,難關總會過,
我們又不是這樣走過來嗎? 前晚我們的約定!我地山上的居民會等你們的! 到時我地會努力工作,一定要照住你們的!!! 加油加油加油!!!! p.s:今日在鏡記的博物館的後花園影相,算是追上了颱風前的光線!白衣天使,要好好留住...
September 15 日記352好搞笑~~
呢排真係好開心, 點解? 因為呢排返工.. 日日都拿相機返去玩! 咁岩觀察室無乜病人喎! 真係玩到反轉再反轉都得架!!! 唔好咁講,但係..真係好搞笑,
越玩越興奮... 想想這些日子不多了...
剩返...15日... 半個月!我要比心機!
努力工作,努力遊玩!
識到一班好同事, 真的今生無悔! 和你們工作,是我們的緣份! 我相信,轉工不代表什麼, 因為.唱k遊乾水是少不了的,
記得我這個k歌之后及雀仔之后(?)!
請大家好好欣賞近日來的照片,
希望大家睇完唔好爆料... 要不然我會被閹割的!!!!!!!!!!!!! 開心.......................... 又好唔捨得....................
唉................................................
點都好,祝大家佳節快樂!!!!!! September 12 日記351離別依依..離開鏡記的時間剩下...18日//
現在,我每天都好珍惜和同事返工的日子...
每件東西,每個角落,都想好好咁記住...
雖然只係工作了一年,但...最捨不得,都係可愛的同事們...
每天的嘻嘻哈哈,談談八卦..
放工一齊去死肥羊,6記,金玉滿堂...
一齊去飛飛車...
這些日子..餘下的..不多了...
好好努力...餘下的時光...
一草一木...要好好記住..
有空,我會回來穿上制服..返黎幫手(可能比人以為我係間諜!!!) 我成日都話,可能過到去我日日都好得閒..
可能會成日返黎吹水唔抹嘴..
但..到時角色不同了..
怎樣都會有點不同吧! 點都好,記得,以後出去浦,記得找我!!!
一定哦,因為我真的好怕悶... ---------------------------------------------
講下d搞笑和噁心語錄la!
夜班,添叔給我們買了夜宵... 工友強仔:哎呀,你地知唔知d嘔吐袋放係邊呀???
我和少燕姐:下,乜有人嘔咩????
強仔:哦,唔係,我想攞d嘔吐袋裝d粽過你地吃! 我地:唉呀,你好核突呀!!!!!你用嘔吐袋裝野比我地吃...嘩!!!!!!!(慘叫!!) 強仔:嘻嘻~~~ ----------------
少燕姐:哎呀,張咖喱,你今個星期唔使去ct室代人喎!
我:係?咁好???? 少燕:係lo,咁你咪無得做肛門ct再加強lo!!! 我:你先要做呀!!!!你做埋肛門MRI(核磁共振)添呀!hahha ----------------
剛哥part夜班,我真係閒到出汁,
可能天父憐憫我,
通宵更,我成晚打了3支im,2支iv drips....
p班都尚好..
真的不錯哦!!!好開心!!仲可以影下相~
我:如果日日都係咁,咁就very骨la!.. 少燕姐:咁樣,呢個夜班鏡湖都幾"洩"架喎!!!
我:haha,唔理lu~我又唔係老細~
--------------- 今日和少燕姐去睇戲,睇地心探險記,
最衰澳門無3d.要不然真係好正..
我們好好彩,因為今日係最後一天播la,
全場得3個人睇...
我,她和一位男仔..
我地都好驚在叫..
男士就好靜..
看畢,燕姐:haha,我地包場喎,我地咁興奮捉住又嘈住哂,個男人就一個人唔出聲,咁無引..
因為個男士坐我隔離,我:唔通佢捉住我尖叫咩!!!!!!
hahaha~~爽!!
September 09 日記350唔開心文章不能置頂太久,要不然,會影響每個人的心情和胃口...
這兩天都回復心情,和體力,真係老虎都打死兩只呀!!!!
9月7日,全城盛事澳門小姐選舉!
我有幸成為兩位澳門小姐同學!!! 許鄒遲 呂蓉茵
那天同學都聚在一起,一面大食會,一面睇選美,
而我,就為了返教會,miss了..
好在無線重播,不過,看到遲遲表現太緊張,
唔緊要,比賽總有各自的角色,
我們全班都支持你架!
蓉茵就好強,真意想不到!
冠軍後...
以後的生活可能會更複雜,
如果入了複雜的娛樂圈,
要懂得好好保護自己,
我們都好支持你的哦!!
不停為你加油加油! 實在..無得彈,睇美女,我最開心!
賞後小插曲:
媽:張嘉莉,唉,你睇下阿茵都得左,你生靚d就可以參選la!唉,佢呢回真係發達了!!!!
我:媽,你睇下你自己個樣!...我係邊個生架?你老公又係咩樣...????
好多朋友:喂,咖喱,你下年去參選la,我支持你!我推你去!
我:咪玩la!!痴線架! 朋友:唔係喎,我真係覺得你得喎! 我:係?!? 朋友:花,通常要綠葉扶持!你去,先顯得其他漂亮! 我:屎忽鬼!!!!! 朋友2:唔好咁話佢la!!佢真係可以參加!
我:好吧,為了不令你們失望,我唯有去整下容先,仲有我要洗哂d相!唔可以比傳媒發現我整過容!!! 朋友3:你上腦了!!~ 總之好多謝我d好朋友,成日搵我黎講笑..不過,笑笑下又一日,又真係好開心!!
-----------------------------
以下是我和一位人士的對話,
我:喂,朋友叫我去參選喎,你點睇?
他:下?唔係呀?你講笑咋下!(佢成日都好認真!好好笑~我又喜歡發up風!)
我:係架,今年唔知之嘛,如果我知,一早就去la(我係咁吹水,發up風,想睇下呢位人兄有咩反應)
他:下..咁呀......(咁認真幹麼!!!!!)
我:乜你覺得我好唔掂咩?(試探中,嘻嘻嘻~)
他:哦?唔係,我怕你win左,我會唔會成日比狗仔隊跟蹤架?(呢位人兄超有急才!)
我:哈哈哈哈,傻仔,你真係好搞笑!!!!
嘻,我對現在的生活,都好滿足,開開心心快快樂樂,
努力工作,努力儲錢,
我要成為一位出色的女強人!!
同埋要學識煮靚飯,靚餸,仲有甜品!!!!!
係時候要學做一個入得廚房出得廳堂的極有魅力的知性小女人~ 呵呵呵呵呵~~~ (還是睡覺去,想太多,想太多...)
p.s:剛發現,短短一天...就有250的人流量...諗諗無理由..我又無update..應該無咁多人..
看清楚,原來好多人為了找我兩個澳門小姐同學,而找到我的blog...
真係...我在想,要不要我都設下私隱,保護她們呢?
September 05 日記349這次搶救經歷,令我永世難忘....
9月2日晚上,和朋友吃完泰x人和甜x坊後,
肚仔不停絞痛,
回來才發現滿江紅...
親戚來了,
折騰了二小時後(當然吃了止痛藥)
無力氣的上班了,12:30-08:00的更..
一返到去,我知那晚狀態不好,於是和同事們講一聲,
希望可以原諒我的工作速度可以慢一點..
新哥好醒咁問我:依,你面色咁差,你第一日呀?
全場嘩然,估唔到新哥吊兒郎當,都會有心思細密的一面.. 返工還好,可以慢慢來,
想不到,惡夢在一小時後開始...
男,20y,後坐乘客,車上4人,唯一他最重傷...(原因扮頭文字d吧)
來時神清,呼吸尚順,血壓可,血氧可,
主訴上腹痛,查體腹壁緊張,有壓痛,
我收到電話入黎r房(搶救房),
一看,右邊一個下消化道出血,在做腸鏡中...地下兩個床盤都係血..
左邊就是男孩,訓係到,不斷呻吟...
男孩:姑娘,求下你呀,比D止痛針我打呀!或者麻醉我呀,真係好辛苦呀... 我:好,好!你唔使驚,我地會盡快幫你架!你要撐住呀!!我叫醫生LA!!
醫生示意我為男孩插胃管,再接負壓引流瓶,引出來,血...
留置尿管,引出來,茶色尿...
醫生努力為病人作股穿...
阿姐為病人打點滴,抽血,輸血..
床邊X-RAY,床邊B超,全部人都在排隊!
無幾耐,B超醫生口頭報告,病人肝破裂,肺挫傷..
這時我急起來,可是床邊只剩我一個..
病人不斷叫找..幫佢打止痛,或整暈佢..
我大叫,醫生,口頭報告出了,上手術室嗎?
外科醫生又看看隔離下消化道出血的伯伯...
急診的大佬又去看..
點知..又CALL外科大佬,又等..
CALL麻醉醫生..
CALL埋CT,
又要幫病人縫頭皮的傷口...
(我在想,不是應該分緩急輕重MA?)
然後,由於全部人都去搶救房幫手,出面分流和護士站真空..
可憐的醫生們,要自己為病人打針LA!..
見差不多,我去分流分下人,因為外面的病人都在鼓燥,16人等分流..
誰不知...3點幾LA,
才見病人由搶救房出來... 我在想,為什麼咁遲,在搞什麼,過了病人的黃金時期要怎麼辦?
心中好急燥,但慶幸病人終於上手術室..
我努力在護士站工作...
過一陣收到電話,
師兄:喂,咖喱,叫多D人上黎,病人係CT室停左!
我:下,唔係去手術室咩?點解仲係CT..
我拉住小薇,同阿姐講聲,即刻衝上去, 只見他們在為男孩CPR..
幾經辛苦,搓回來了,我在男孩聽邊叫他的名...
我:XXX,你要加油,撐住呀!!!!!!
期間搶救時,SOL.BICA都無,我跑下去急救拿...
因為佢上了呼吸機,又好多管,好艱難才做了,
然後立即去手術室,
由於要輸血,我立即又跑去檢驗科拿血...
跑到去手術室時,
男孩又停了..
都在搓,
我心一沉..
心知不妙..
只見雪白的身體,
冰冷的四肢..
我真的好想救返佢,
我加入,就算身體不舒服,
我都加入..
最後得我和小薇,師兄三個輪住為男孩CPR,
因為我們的信念都一樣...
要救回男孩..
最後,
他還是走了..
男孩被宣佈臨床死亡後,
我們為佢清理一下..
在討論在急診打包還是在手術室打包時,
這時,我開始靜下來,
好唔開心的同時,開始視物旋轉...
師兄:嘉莉,我地一齊去執好D野..
我:我...我要返急診..我..好暈..
師兄:你無野呀?要唔要陪你落去?
我:我無事,自己可以了.. 開始站不穩,
到門口時,我見到兩個工友, 我:民叔,靚富,等埋我先落去呀..我好暈呀..
然後兩腳一軟,暈左..
小薇和他們立即扶我,
然後一堆人出來,
我不知道什麼做什麼..
但不知為什麼,眼淚就跑出來,
是痛苦,無奈,傷心,還是什麼呢?
席間,我聽到師兄話:佢今日第一日經期,仲有佢平時好易低血糖..
心想,師兄真係好人...
但其實我都唔覺自己低血糖..只知好暈..
可能,體力透支,心力透力...
虛脫了..
最後..男孩家人哭哭啼啼...
我..也休息不了..
最後小薇竟把我的眼鏡拿回急診..
我光著眼摸回去...
同事的慰問,只會令我覺得唔好意思..
因為真係好醜怪..
增添了別人的麻煩...
申姑娘問我:你點呀?我以前都試過,你係咪想救返個病人呀?
就像一支針咁,刺了一下,隨即眼泛淚光...點點頭..
她:我明白的..
最後芝入黎..講了一句:其實好多野都整定的..
由於這句話..,我好過一點了...
至少,我努力過...
只不明白..我相信怎樣差..病人的轉歸是不會那麼快的...
我真的好唔開心..
兩天來,都在想這件事..
我有點嬲那個外科醫生..
可是,醫生的壓力都不少..
想想自己的摰友們都係..
真的好擔心..
這些壓力,這種負擔,
誰能承受得起?
咱們,都是凡夫俗子而已..
September 02 日記347唔知點解,越來越update得好疏好疏..
可能個人越來越懶^^
有時在想,是不是自己內心太寂寞,
所以就成日寫文章(這句只適用於本人,不代表其他人立場>.<) 哈哈,我也不知道, 只知道現在生活過得好幸福,好快樂就可以了^^
我個人好知足! 9月30日,是我最後一天在鏡記上班,
10月13日,我將要日日都駕車返工...
中間幾日,有一段長時間給我休息休息,
工作,實在辛苦, 但同事之間,真的捨不得,
人望高處...
真的是這樣嗎?
我什麼都不求,只求多一點休息時間,
我已經好開心了, 始終自己身體不太好!
新的環境,充滿新的挑戰,
新的人事,要我從新適應,
但我開始變成一個不常用腦的人,
所以還是見步行步!~不想太多...
嗯...
人生,到了每個唔同的階段都會計劃唔同的野..
尋日見到我同學...
在醫院大堂...
叫住我:喂!咖喱!
我:喂,點呀???靚女好耐無見啦喎! 同學:你收到我張帖未呀?(然後摸摸肚子) 我:未呀!hahahaha~ 同學:記住到時準時到呀!要著靚d呀! 我:我一定會著到全場最索的!!話哂你的大囍日子! 想想自己,都不細了,
眼看身邊的人,又拍拖又結婚,
嗯,都會覺得好奇妙,
唔知,幾時到我呢??(發下夢得唔得先~>.<~嘻~)
幸福就好了^^ |
|
|
