| Curry's profile我愛這世界PhotosBlogLists |  Tools  Help |
|
September 30 日記245雖然我地成日互串嘴...
但我有事的時候,
你總會及時出現...
在我身邊支持和鼓勵...
以及聆聽...
多謝你一個無聊的電話..
我才知道我的需要..
要不然,我一直會呆下去...
感謝主,賜你給我...
朋友,有你真好......
"Color's changing you..." September 28 日記244望下10月的夜班表...
嗯...對下一次的夜班..
係6日之後...
即10月5-7日又夜班...
(今晚仲有一晚夜班..)
始終要慢慢接受現.實...
努力適應這樣的生活...
仲要成為習慣...以及我的新一代生理時鐘...
10月1日,好似有遊行喎..
有位姑娘成日問我去唔去遊行,
我當然想去la,玩下呀ma~
跟住有位醫生話,會中流彈架喎,
跟住又有人搭訕,中流彈可住400萬的屋架喎..
醫生又話,我又要中...
我心諗..你都傻傻地,
我就唔制la!
唔知師兄會唔會去影相呢?
我記得那天還有這個黃絲帶行動...(是關於道路法典的)
用黃絲帶困在倒後鏡...中午12:00響按一分鐘...(係咪真架,我都係聽返黎!)
我睇死10月1日都要返工架la!
因為門診關門,急診一定忙死...
唉...寄望有多d資訊la!
我都係關心澳門社會的一個良好市民呢!
September 26 日記243今晚...
又夜班了...
每逢夜班前..
我一定好緊張..
深怕休息不足...
精神上會應付不了工作的壓力..
但現在,我還是坐在電腦前..
繼續無聊..
因為我今日已無聊了一整天..
無聊...訓...無聊...訓...
今日erica提醒我...就算做了facial之後又點呀...
細胞激活了...捱下夜又死左...
激活,然後死了..再激活..又再死了...
咁其實有咩意思???
唉...今日望下鏡子...
我真係殘左好多...
我完全唔想再理自己的外表..(雖然理下都無咩用..但起碼整齊,不致核突呀ma..)
可以用癲人來形容自己..
不見天日的日子...返工...放工...訓覺...起身吃飯沖涼...訓覺...
不斷循環..
好玩ma?
睇黎要搵d野玩下先得...
點都要自得其樂一下呀ma..
日記242您在哪裏??
難道...您忘了我們之間的約定嗎?
不是約好見面的嗎?
為什麼...
我渴望那麼久...
總讓我失望...
難道...月亮忘記了?
八月十五不能賞月,嗚...
搞到我盧九都無心機去呀...
出黎見下我la!
-------------------------------------
今日去外科門診,總算是可以喘下氣...
今日和琴姑娘和新師兄吹水..
大家都訴說自己的旅行經驗...
而大家說到歐洲時..
我們都不約而同,眼中冒光...
意大利,西班牙,荷蘭,法國...
邊個去呀?我願意做妹仔...帶埋我去...
不同國度,有著不同的情感...
尋找自己心中,曾經消失了的..另一種感受....
給我所愛的人,中秋節快樂^^(邊個?咪就係你lo!係la係la!唔使周圍望!邊個睇到呢句,邊個就係la!~) September 24 日記241辛苦至極!
對...
朝10晚9.. 上午11:15之後無吃過東西了...
今晚差點暈倒...一定沒有東西吃...
因15:00開始肚餓...
苦...
我已經再想不到有任何字可形容了...
筋...疲...力...盡...
我..好想...快d...退休....
才兩個月?我還有多少個日子?????
某醫生說得對...
忙...
也要知道自己忙的意義... 嗯..我明白了...
p.s:今日好僥倖成功為一個3歲的小朋友抽血及靜注呢^^ September 23 日記240陰公..真係無陰公..
尋日忙完放工回家後...
立即攤屍...
晚上才起床...
又無去畫畫了....
我幅"年生貴子圖"幾時先有呀...
今朝係返7:30的..
晚上已經01:00才入睡...
03:00才睡...
好辛苦... 估唔到精神緊張會發生在我身上...
我自問唔用腦架ma!~
點知尋晚成日都諗起急診的東西..
好煩呀!
好炆呀...
今早沒什麼..不過返工成個幾月..
才第一次用呢個領藥系統...
好在Natalie係旁邊講了一句!~提一提我...
好多謝你呀^^HAHAHAHA~~
------------------------------------
小盈和我有個美麗約會..
如果我們每個星期都有一天係咁就好了...
係我帶壞佢架..點算..
看她比我更瘋狂..
我該怎麼辦?
唔緊要,
我們要享受人生呀MA!~
學你話齋,無啦啦明天死鬼左咁點算呀!
HAHA~~
------------------------------------
"她"又遲來了...
夜班一排後,真不好受...
但願全世界人身體健康...
咁我地做少D..
人都開心D(看來,我今晚又失眠了,因為癲左)
P.S:我的文章真係越來越垃圾!唉!~ September 22 日記239今日早上..訓唔醒咁...
去了門診打針室..
好無奈..一來整個超難找血管的..
打唔到... 第二個阿婆,又打唔到...
一個靚女...太白...又打唔到..
不是她們暈,是我暈..
我緊張到..腦充血..
個頭又熱又脹又緊張...
真係不能理解...
當我中午無心機...
差點連飯都吃不下的時候
下午回了急診..即時生猛哂..
支支得,支支中~
好多野,真係心理障礙...
我知道...
對,我對那件事,還是耿耿於懷....
所以我會驚,我有怕...
點都好..慢慢就會好,
我知道,我會過的!
-----------------------------
今日知道給人認同,當然開心..
但,我要更加努力,
在科室,好多人都係我的榜樣!
我有好多要學習地方,
願我能一一進攻哂佢地!
工作起上來得心應手!
雖然時時碰釘,
但有感自己對工作還有熱誠...
我知道初時係辛苦的,
但我明白,苦盡會甘來的!
加油!
--------------------------------
晚上去了培正同學會的聚餐,
見到好多之前的老師..
雖然無走上前"相認"
但遠處望到,還是好開心.. 覺得自己返到中學咁..
嗯..
中學,永遠是最快樂的...
今晚我同世傑,瑩瑩,錦鳳,嘉嘉,佢地都做哂老師...
我地仲同MISS KELLY坐..
好奇怪的感覺..
曾經都是她學生吧...
想不到她還年青..仲咁玩得...
同台有我,嘉輝,富麗,智中,小梅...
亮社人坐在一起LA!
今日係中秋聚餐,還是恭賀高生做校長..
一個想捧我去澳門排球代表隊的好好老師!(沒有人想到吧)
點解我無入,遲D先講..
見到佢,我都好開心架!
佢拍拍我肩膊,向其他人說:"哦?乜你地係同一届架?"
我話"係呀,我同佢地同班添架?"
高:"HAHA~咖喱,如果著返校服,真係同D高二高三的學生一樣"
我話:"HAHA,我係培正學生喎~明天返學見LA!!!"
^^
重回昨天,日子,多好^^
背起書包..上學去...
---------------------------------------
今晚Frankie send左個網比我..
可能大家都睇過..
笑到噴水...
參參send比我一段片..
令人痛心疾首的事...
澳門的將來,希望夠多嗎?
狸貓師兄,你想要呢部嗎?
雖然我唔係好識,
但我都有留意下..好似幾正咁~~
September 21 日記238剛才打打下電腦..
嘩?咁大鼻鼾聲既??? 唔會係細佬呀下...
雖然佢病緊...唔通佢又開始肺炎?
於是拿住聽筒過去...
點解...
過去隔離房...原來係媽媽..
我媽媽從來不會有鼻鼾..
原因..呢兩年來...媽媽都好努力工作..
爸爸都係...
每日返到黎,唔係手痛,腳痛,就係腰痛...
雖然我工作返黎都好辛苦..
但比起他們的,好多了...
有時我都忍唔住,幫佢地按摩..(雖然家里不少按摩器材,但有時不到肉)
有時回想,讀書時,見到佢地的辛苦樣,我都幾無奈,
一味想快d畢業,賺錢,
然後比多d錢佢地,希望佢地一星期至少都放一日假...
算la..錢wor,邊個唔想搵多d...(所以叫極佢地都唔聽..唉..乜好等錢用咩?)
之前我周圍去..成日叫佢地拿錢...
有時我都幾大使下..
但媽從不過問,我要幾多..就有幾多...
有次我問:媽,我無哂錢使了,比住500蚊我先la(好似爛賭人士,因為我d錢..又比我吃哂..)
媽:拿,比1000你la~
我:嘩,你比咁多我做咩呀?我會好驚架喎..(呵呵呵[心中在暗笑])
媽:haha,我都做過女,你話要幾多就幾多,會好失望架ma,比你多d,你係咪會開心d呢~~係咪都要使架la,係咪先,做乜唔比得開心d呢!
果然......
阿媽呢招好有效~
自此,我開始食少左,使少左..去旅行時,我用少左...(有呢d咁生性的女,真係三生有幸呀!!)
我仲會成日同人講,我好窮,
整到我都覺得自己好窮...
好在現在呢個美德,
在我賺錢之前養成左少少...
所在我出糧後,我用的錢...真係少到無可再少...
我終於明白...d人越有錢的人..就越有錢...(因為大部份有錢人都好姑寒)
而越窮,當然越見鬼...
我要做前者,我要做小富婆,
我要在30歲賺我第一桶金!(係錢,10,000,000萬港幣,唔好諗錯咩金..)
屋企人住得舒服d
玩得開心d 一齊享受下人生~歎世界~~ 玩呀玩呀玩呀~~~
我唔貪心,40歲退休好了~
嘻嘻嘻嘻~~~~
某人曰:張嘉莉,咪發癲了!明天返10點架!
我:車~~諗下之麻,今晚發下夢都好呀...
點都好,爸媽我妹弟身體健康,一家齊齊整整,一圑和氣,龍馬精神,身壯力健~~
食好d著好d住好d玩好d~開心d~人都靚d~
p.s:一個人能和一個人講心事,因為重視對方,所以,我好多謝你,咁重視我^^
September 18 日記237這幾天的夜班...
是史無前例的忙碌..
尤其是前晚...
超變態的說...
不過,姑娘都好好..
係咁忙的情況下,
都放我出去學野,
無錯,就係出十字車接病人..
第一個..就係去某屋企接一個伯伯...
無咩特別的..所以我一個人跟..
第二個,
去氹仔急診接一個曾經心跳驟停然後自行復率的病人...
這次跟車有師姐和一個醫生,
總算大開眼界啦~
不過,尋日第一次出車...
途中,有架車不知好死..突然切線...
連十字車都切...
想死啦!
我地部十字車..立即急煞...
我..條頸...立即整親!(好像是移位咁..好恐怖哦~~)
我..可以上報工傷嗎?
算了吧...都忙到..無時間去諗條頸...
返去冰敷下算了..
奉勸各位..見到十字車要讓下...
因為上面不只一條生命...
係有幾條命架!
-----
總算值完呢part夜班...
不過中秋翌日開始又要值la...
好在..中秋哥日,仲可以同細佬去盧九猜燈謎..
有個安慰...
點都好,開始體會急診工作的苦...
願我還可以...努力...捱下去...
同學啊...
點解成日唔見你地返工..
一齊返又唔同位架?
好想同你地一齊工作哦...
嗚...
--------------------
真的好佩服和欣賞他...
真的...
如果,他後生10-20年,
我真係會飛身撲過去,
真係咪浪費時間..
呢d咁好的男人...好人...
係邊度找呀???
是他讓我相信!這個世界還是有好男人存在的^^
正呀!!!!!!!!!!!!!!!!!!!!!!!!!!!!!!!!
所以我會好尊敬你的!
加油呀!
September 15 日記236尋晚我地門急診的送舊迎新晚會!
我地一眾去了陶香居..有成60個人..
而我卻在聚會前36小時左右才知道...
我和ling豬係大會司儀...
好在,玲豬好有經驗,
而我就搞活動方面就有d經驗,
我們算係第一次擦出火花..
而因場地的問題,
無音響設備,只有兩個咪..
我地就要搞節目了...
你話...難度真高..
最高難度的是...有一眾大粒人,
如何滿足大眾又要滿足她們,真是個問題~
好在我們都安然渡過..
飯碗暫能保住!
ling,真係辛苦你了,
知道你胃痛了一晚,
總之好多謝你帶住我呢個講野有"懶"音的傢伙...
又成日掛住笑...
你知la,平時我係坐在台下,成日搞起哄的一群瘋人之一...
現在卻如此~
點都好,唔經過今次,我都唔知我和你係"正一爛gap"組合
你係正"gap",
我係爛"gap"...
真係鬥"gap"了!~
多謝你~我有一個好愉快的上下午~
------------
p.s:唔記得影返張單人合照添~~ September 14 日記235係呀,我今日放假..
7:00起床了...
點解?
唔知...
可能因為今日有好長時間自來水公司大換水錶..
將於8:30全日無水!
我要起床沖定涼...
吼!!!!!!!!!!!!!!!!!!!!!!!!!!!!!
唔得,一定係心理作用...
無水硬覺得...唔自在...
邊個屋企可以收留下我?
唉..個個frd都返哂工...
好炆哦!
有水哥陣唔覺得重要...
無水哥陣就咁既樣~
唉..
好多野都唔係必然架!
好好珍惜吧~
望住個鐘..仲有半個鐘...
好la!就咁~今晚有返水的時候,我又倒數下..
hahahaha~~~
無要珍惜,有的,更加要珍惜,
不要忽略身邊的人和事物呀^^ September 13 日記234今日幾好... 由於佢清醒..只係好暈和肚好痛.. 可能我太勁..我氹到佢飲4500... 期間,我不斷安慰.支持和開解.. 唉...我唔知點, 好多事情,回望過去,就其實無咩大不了... 一直聽她說,我又安慰她... 最後,我捉住佢只手, 其實,我看她努力洗胃.好努力咁嘔...其實,她不想死吧! 願天下人都要珍惜當下...
不過, 於是,晚上的中學同學小聚就遲了一個小時... 對,我們去了我樓下的"一樓火煱"~ 係有點唔抵..我又掛住吹水, 有斯斯文文的偉斌,搞笑的阿sam,傾國傾城的明明, 大家各有方向...要偉斌已經讀PhD了..
-----------------------
COME ON COME ON GO GO GO! September 10 日記233對唔住LA..
今日放左好多人..飛機..
由於上午係外科門診比D傷口折騰了我360回合..
下午已體力不支...
原來,我老了...
以為精力旺盛...還是不堪一擊..
不過,如果一個早上沒有停過,那...
其實...
嗯.. 有時間做下運動LO!~
--------------------------------
呢排家人都在瘋狂一樣東西..
而我,都被逼要理埋佢地的東西..
要不然我地成日都"食濕米"//
唉...要我再花咁多時間去研究..
真係好累人架...
放過我LA!!
不過...今次令我學識一樣野...
好多事,我就真係唔夠耐性..
做事又衝動,又唔夠冷靜..
所以,我要沉住氣..
慢慢...我個人會變得有修養(好似唔關事喎)
唏!總之我要學識等時機LA!
多謝小奶蕉的提點....!!!!!!!
---------------------------
呢排都喜歡發夢...
救命...
果然放假係無聊的...
係呀!我要去旅行...
有時覺得自己好鬼衰格..
人有我有..
見到人地好少錢就可以去好多地方...
又可以體驗極多..又有成功感..
其實,我知...我得架..
我只係欠缺時間之麻..
但已經好大獲..
好吧!
優先目標:努力屬靈生活...
第一目標:努力工作!!
第二目標:開始學會投資~!
第三目標!下年要去意大利!
旅行方面..在集志同道合的人士中..
有方向感,有經驗,有強烈計劃和責任感的人士優先!
如有以上人士,我唔介意旅行時我做家頭細務..
呵呵~~~
明天返工,咪發癲了~
但,我是說真的!
September 07 日記232現在要上演一齣木馬屠城記!
對,我部腦又中毒la!~
仲係cdef磁碟機都中哂木馬毒..
煩..真係好煩...
仲有..點解有d人咁無品...唔識體諒我們的工作..
仲有..點解我要遇到咁多野..
仲有..點解我咁鬼懶..唔練好d文筆..搞到今日做野唔夠快..(重症護記要上症哥d要15分鐘內完成..)
仲有..點解唔夠醒d...突然來個氣胸要立即插管..壓縮65%..(好在最後無插..)
仲有...點解p班會咁忙...仲要我跟完一樣野之後,一返黎,一堆人會問我一d我完全不知道的問題..
"姑娘,呢個咩事架.."
"姑娘,個病人去左邊呀.."
"姑娘,佢睇婦科喎,call左醫生,佢話幾時黎睇症架"?
"姑娘,個病人做ct架,call左ct室未呀?"
"姑娘,d報告有未呀,我等左好耐呀,仲好肚餓,快d呀唔該"
"姑娘,我經痛咋喎,做乜個婦科醫生咁耐架?我剩係黎拿止痛藥和假單咋"
"姑娘,個病人要上症,佢辦左住院手續未呀"
"姑娘,我係xxx個屋企人,我想知我家人情況點.."
...........................
吼~~~~~~~~~~~~~~~~~~~~~~
我都係剛剛上完症..一落黎,病人都面目全非..
你問我..我...點知... 跟住我就要不斷找..不斷問..
比人見到以為我乜都唔知..點做姑娘..
咁確實我上左去再落黎..d病人流轉咁快..點跟..
有時真係連個病人係邊都未知...
周圍的護士都走哂去做野..
我已經好努力..又要一群外藉人(佢地好喜歡聯群結隊).......
一人多就好熱鬧..
心火盛了...
有時我做野,一快,就會有少少不冷靜...
但願我要更清醒..
雖然我呢種的不冷靜都改善了..
但希望工作上更有效率和速度..
不過我相信,熟能生巧!
我要醒醒目目!學好d!做多d!
做一個令人相信的護士! September 04 日記231呢幾日...都係咁過la..
返工,搶救la~
放工,訓覺la~ 好似還有點東西,總不知道下一步要做咩...
不過工作還是有衝勁!!今晚返夜班,希望比心機!
出左糧..俾哂屋企人~看來我的理財計劃真係要好好計劃下..
奶蕉~識做啦喂!
-----------------
星期天,一放工就和小盈一家去吃飯,
之後一起去美容院(?)
晚上行街睇戲...(第二次五星級大鼠)
呢d生活...真係估唔到..咁正..
以為工作比讀書辛苦..其實又唔係..
haha~我個人好知足..
安安穩穩,生活安定,吃得訓得玩得~
正la~~
-------------------
今日去搞護士牌的東西..
早上去體檢..見到達娜..haha真係"冤家路窄"!
點知之後落雨喎..無得一起吃飯...
期間仲見到文鋒添!
佢依然咁靚仔..但性格依然咁...(大家係佢同學都知..)
"澳門的醫療真係好唔掂呀!唔係中央式架咩?搞到我要請假拿報告.."
haha~~澳門係咁架la!!原諒它吧!激親唔靚仔架!
佢在弱智人士協會做職業治療師!好有意義的工作哦!
-----------------------
係呀...之前買政府印花有一段小插曲///
聽說財政局在新馬路的大西洋總行隔離..
跟住我唔知..就走左去儲金局...
我問細佬,"喂,你知唔知儲金局和財政局係唔係一樣架?"
細佬"哈哈哈,我唔知呀,學校本常識書無講喎"
個衰仔真係幾搞笑!
排左好耐隊先知排錯...原來係top one隔離..
呀.....
印花窗口的是一個伯伯...
"依,你個...今日唔使返學咩"(一聽就知佢諗咩)
我:"伯伯,佢唔係我個仔,佢係我細佬呀.."
伯:"哈哈哈~我仲以為你個仔添!! "
我:"我有咁大個仔就嘔血lo!"
在大家虛假的笑聲下落幕!
唉...
下午不想再睡了...因為睡太多,人會不精神..
於是決定搞埋d護士牌照的野..真係超煩...
又要在職証明..又要行為紙..
不過今天好順利搞哂~感謝主!
期間就因撞到ling豬,就一起去慶祝咁順利...
先去瑪嘉烈..再去恆友...再去檸檬車露..再去國華買野飲..
滿足的一天~歎~~
如果..日日都放假...日日都去吃去玩~
咁就好了~
hahahahahahha
比我廢下去la!!
嘩哈哈哈哈哈~ |
|
|
