又..一件發生在晚上的事,是令我睡不著的原因...

今日如常和弟弟看女王的教室,

好難得,媽媽又看!由於媽媽沒有看過,

所以就向媽媽介紹一些劇情的細節,

好讓她更欣賞...

 

我:「唔好睇神田同學好似成日比人蝦,個老師又好似好衰格咁,其實個老師好好,想激發那成日比人蝦的同學抬起頭,老師什麼也知道,神田無偷野,但,就是要靠佢去面對去反抗,去面對,去講出真相,唔好再幫一d出賣佢的人,說真的,你地d家長邊會理解我地呢d小朋友的心情呀??以前我細個哥陣,我都比人蝦過,仲係半班同學去排擠我!所以我知道神田好痛苦。」

 

媽:「我知,你在培正初中哥陣呀ma!」

 

我:「咁你又知唔知哥陣半班同學排擠我排到班主任要出面調停,下課時又比人拿粉擦掉向我,又比人笑話我好衰樣,又比人叫怪獸呀?」

 

媽:「係咩?咁誇張咩?我又未比人蝦過,我又無蝦過人喎!乜我唔知既,你又唔講!」

 

我:「講真,講出黎你都幫唔到la!咪就係要靠自己面對la!好似神田咁,我同佢一樣,表面上好開朗,其實心里好寂寞,神田佢爸媽關係不好,媽媽又錫家姐多過佢,所以佢要扮開朗,去討人注意。」

 

媽:「咁咪好似你細佬一樣lo。」

 

我:「哦~你講乜呀?個衰仔咁巴喳,應該大把人同佢玩架喎..」

 

媽:「其實佢係學校,無人肯同佢玩的,你問下佢lo,佢自己講既。」

 

我:「下?無可能架喎!不過又係,一個連"對不起"都唔肯講的小朋友邊有人同佢玩呀!」

 

我:「喂!乜學校無人同你玩架咩?」

 

弟:「係呀。」(無奈樣<==無乜表情,其實,我弟不太擅於表達自己,一味懂發脾氣)

 

我:「點解呀,你有冇試過走過去d同學度,要求同佢地一齊玩呀?定係佢地講到明唔同你玩?講到明?」

 

弟:「我有呀,係呀」(答話異常地短)

 

我:「係咪你做左咩衰野呀!」

 

弟:「無呀。」(真係未見過個衰仔答得咁正經又咁短又咁貼題。)

 

難怪,很久以來,我弟弟成日纏住我...

 

上星期,仲搞笑...

 

弟:「家姐,同我玩。」

 

我:「唔得閒呀。」(玩電腦中和睇小說中)

 

弟:「家姐呀~~陪下我玩啦!我"真係"好悶架!」

 

跟住我大笑,佢真係好悶...要強調"真係"呢兩個字...笑死...

 

看來佢真係好悶...

 

再結合今天,我覺得有點傷心,

我明白小朋友的自尊心好弱...

因為我都試過...

我以前好自私,尤其在小學,但因為成績好,老師對你好,你衰極都有人同你玩,

但係,我弟弟成日病,又懶,成績已差,因病不上學是十分常見,最緊要,佢不懂和別人相處,

爸媽異常地錫他,

我教訓弟弟一兩句就遭還擊,

試問又如何教得好...?

不過,我相信弟弟一定撐得過去,

佢平時的變態行為我就原諒你la,因為我知道,今晚捉到你痛腳,

第一次覺得你真係大個仔左,因為有唔開心的表現,

懂得開始思考,

好吧,家姐會陪下你~

 

日後,等我多d陪佢傾下計,多d問下佢...

這是黃金時期,如果不好好教他和對他..

他可能會走回我妹妹的路...

我不想再這樣!

我要努力做個好家姐!!

 

加油!!fighting!!!!

 

p.s:但我不會過份關愛,衰仔,有時候都要靠下自己架!撞撞下釘就長大架la!