How have you been?

I'm now in Singapore!

Everything is going smoothly.

Everything is expensive here!

But the food is delicious!

 

Hot...very hot here also..

 

I need to have a briefing now!

cu later then!^^

 

...............

 

今天忙到抽筋...

 

先給一個外國女士嘈醒..唉..

一起床就要說英文..又唔係唔知我係有限公司..

然後就是..去拿錢再換坡紙..真係貴呀..港幣對換..1:5.103

 

就去買野..

下午就係準備打針事宜...(唔想打針!!)

嘻~~係呢度真係好多謝s同學..

沒有你...我都不知道..你手勢咁好^^

 

晚上有一個小插曲..

就是我不見了passport!

嚇到我飛起..

我的本能,就係賴阿媽!

唉...心想...不會最後一晚才泡湯吧...

最後當然係妹間房地下找到..(我曾入去偷佢頂帽!)

唉..看來自己真係要醒醒定定呀!

 

嗯..

距離出發還有十幾個小時..

我今晚唔想睡..

因為間房...打敗仗般..

唉...

 

好多謝好友們祝我平平安安..

尤其是我中學同學的婆婆...

專登給我一封大利是..(唉..我都話一元算la..有誠意d咪人民幣一元la!咁多做咩?你唔使買野食咩..)

仲有源生..我出遠門都好緊張我..

唉...我d廣州的親友..逐一致電問候再指導..

嗯..我唔係去中東打仗...

又唔係去扮恐怖份子!

就算係...佢地都會當我係佢地的好朋友!

 

不過,每次出門都會有點點擔心..

始終生命誠可貴嘛..(生命真的何其脆弱呀!)

最重要係未搵錢返屋企呀!

 

點都好!真係要小心d!

係新加坡無咩..(有人照應)

而4天的馬來西亞之旅,我地係自由行的!

有一天我地仲會在火車上睡一晚..

唔..要安安全全呀!唔好比人偷野就ok!

 

自由行..既刺激又好玩,

好期待...

 

要平平安安回來呀!(台灣和北京的朋友仔已到達了!新加坡和另一批的台灣同學明天出發..星期日係香港的朋友仔出發~)

要開心玩盡佢!

 

7月12日之後見la!(晚機返)

 

 

p.s:David哥哥,這些日子幸好有你!真的好感激!好感謝..有時真的好奇妙!雖然認識不久,但可以這樣子!很難得!可能同你的專業有關吧!!

盼望,你有天也能幸福!好嗎?(嘻~我在日誌打了^^)

 

 

 

尋晚,我媽媽叫我問薯頭一只中藥的功用!

於是打電話..

誰知..他去了八佰伴..和佢老豆去掃貨喎..

於是提醒了我!係喎!!!VIP日喎!

那是晚上10:15..
11:00就關門..

突然想起妹妹想要一個薰衣草的香枕..

問媽媽..要不要買一個...

於是..媽媽罵了我一句"有冇搞錯呀,咁正野都唔早講..憎死你呀"...(我一心想為家儲返個錢..)

之後,就出發了!

 

好多人喎!對,我地先去床上用品部..

買了兩個太空枕(愛皇健<--呂醫生推薦喎),

兩個雅芳婷的香枕..

還有5尺床的床上用品套裝!

之後排隊比錢..真係瘋狂..

要關門了...

在樓下有oto的按摩椅..

於是拉媽媽去試試..因為..

我已經想有5年了..

之前在fatsam家試過..好想買..

但太貴了..

 

尋晚一試,嘩,不想走..
腳板.足部和小腿的按摩..嘩...忘我..

我見到sales咁落力..唯有不斷打電話,

避開佢的攻勢..

 

媽媽係好享受..我都受唔住誘惑..

我說:「我都差唔多出黎做野..你喜歡,我就買給你la!好嗎?」

媽:「唔使你比錢!應買就買,唔使問你老豆架la」

個sales突然彈出黎..

「買la買la!我地呢d都係promote一天咋!下次vip日未必係sale按摩椅架,又多客人訂喎!聽你講你地全家工作都係腳部最辛苦,這個真係好適合你地架!!~」

「我無帶咁多錢黎喎..張卡之前用了好多..唔知仲有冇錢」我說

「你可以今日刷住一半,明天再給另一半!就咁la!原價26800架~現在都係9998咋!保養又....」

 

「媽...」我說

「比張卡佢la,你估我講笑架,買la,我都鍾意..」媽...

「媽,我有點後悔帶你出黎..咁就用了差唔多11000了...半小時內

同埋...媽..你真係..好癲呀...你洗錢...比我還要瘋....」

「車,錢係搵黎洗的!怕咩~應買就買..」

 

回家後,老豆沒說什麼,只係..買完先知家中沒有位置放...(現在比狗窩還要狗窩)

因為,我家人已有一張按摩床了..唉...

 

媽說:「個衰女,有好野唔叫我..早d去咪好lo!」

我:「我...唔敢叫你..呢排真係洗太多錢了..又休魚期..唔想食穀種..」

爸:「咁樣的話...你帶五萬去都唔夠你買...」

 

-------------------

好友都worry我..「咖喱,想像到你第日無錢的日子如何過..萬一你沒有男人沒有子女..自己又沒有錢,怎算..」

「其實..我..唔係洗好多錢的...只係...唔識洗..」我說..

「有乜理由一次過買5對鞋..買d衫係名牌..但睇上去又唔似喎...算la.唔怪得佢架..佢成家都係咁..遺傳黎架!」

唉...怪就怪我係辛苦命la..個樣都衰過人喎..

 

仲有..我真係...幾年沒有買鞋咁制...
我都係一次過..又唔知幾時先買架la...
算起來,不多吧!

 

算la...

看來第日,要找找奶蕉做我理財顧問先得...

要不然,我真係餓死街頭了..

唉...

 

 

p.s:後天出發!決戰新加坡!再直攻馬來西亞!來一個玩轉東南亞!^^反轉反轉再反轉!要平平安安開開心心!yeah!

 

 

 我買了呢張!!嘻~~

 

• 採用革命性微處理器「智慧化控制」及人體身高檢測系統，性能卓越。
• 備有6種全面自動按摩模式：'保健'、'全身放鬆'、'理療'、'頸肩'、'腰背'、'座腿'。
• 獨有同步揉、捶功能，能有效消除疲勞、舒筋活血，改善神經系統，提高全身機能，令您感覺煥然一新。
• 針對人體穴位來回捶打，可軟化僵硬的肌肉組織，鬆弛脊骨周圍的筋肉。
• 推拿功能按摩人體各個部位，享受有如真人按摩的舒適感覺。
• 獨有10個按摩氣囊，使大腿、小腿和腳底得到最舒適、最貼身的按摩享受，舒緩或消除腳部酸痛。
• 設有背部自動按摩程式及背部彈簧式按摩功能，貼近人體曲線，對背部進行全面按摩。
• 不同的按摩力度和角度令您獲得最舒服稱身的按摩體驗。

望著海一片滿懷倦　無淚也無言

望著天一片　只感到情懷亂
我的心又似小木船
遠景不見　但仍向著前

誰在命裡主牢我　每天掙扎　人海裡面
心中感嘆　似水流年
不可以留住昨天

留下只有思念　一串串永遠纏
浩瀚煙波裡我懷念　懷念往年
外貌早改變　處境都變　情懷未變

先介紹下先! 由好好友中中介紹的"12d的一天"!一間台灣醫院某病房的寫照!

想知道我們護士一天的工作!請來個了解了解啦!...

我們的辛酸..

要向世人宣告了...

 

---------------------------------------------------

 

原來,我個blog..真係唔少同班美女與好友來觀看...

"喂,勁喎!五對鞋,去名牌店添,有米la!"

呢個句真係聽了不下20次..

真的好恐怖!!!

 

不過我要重新聲明!我係趁佢大減價大殺價才去的..

要記得,我不是會花錢在裝身打扮的女生...

我係會食哂佢的!

要不然媽媽逼我買...

我..嘻嘻嘻~

 

今日體檢,

嗯,真係了解自己不少哦..

不過..點解身高...我矮左咁多架..

我有159.7cm架..

今日初初得157.5cm..我唔份氣..

再來..158cm...

喂...哥1.7cm去左邊呀?

一定有問題!

 

仲有..今日我第一個比內科檢查..

最後.女醫生話要指檢...

跟住...我之後...就比人笑到面都黃..

 

總之,比人笑到我面都黃..

壞事傳千里..好事無人理..

 

---------------------------------

尋日係中中個網~發現了好東西..

可能你地都知道..

不過都係度介紹下我的心水la!

呢個節目叫"Britain's Got Talent"

一睇!就忍唔住la!!!

 

Paul Potts (Mobile phone salesman!The Opera Singer)--My favour

(First Round)http://www.youtube.com/watch?v=1k08yxu57NA&mode=related&search==

(Semi Final)http://www.youtube.com/watch?v=rDB9zwlXrB8&mode=related&search==

(Final)http://www.youtube.com/watch?v=9hIq_GGi1n4&mode=related&search==

 

Crew 82(Wow!!!!)

http://www.youtube.com/watch?v=IromCVJUsKY&mode=related&search==

 

Connie--absolutely fantastic

(First Round)http://www.youtube.com/watch?v=En0A8KGMgq8&mode=related&search==

(Final)http://www.youtube.com/watch?v=mviglYoge3I

 

Simon + monkey

 

仲有好多奇人異士架!有break dance..70歲婆婆rap..各式各樣新奇嚇人的表演都有..

只要在youtube打上Britain's Got Talent!
你會有一個愉快的晚上!

各位!晚安^^

嗯~

正~

 

今天中午1點起床,

吃飯後,

於是,就和弟和媽一起去G2000找妹妹,

因為妹在那裏工作,

有折!

嘻~

和之前一樣,一年沒有正經買衣服的我...

又一次過大出血...

對上一次,是上兩個星期,在澳門某店掃了五對鞋...

今天,我掃了兩件衫和兩條褲子,

全是走高級時尚女性路線的!

本想再買一套西裝(超帥的!!)

可惜沒有褲子,要訂...

還是等妹妹出了張工作員優惠卡(全場半價)

再去殺佢一個措手不及!

 

過幾日,我會去弄頭髮,

然後去配隱形眼鏡,

再好皮膚護理,

再做好運動!

再穿耳環!

我要保持最佳狀態^^

 

事關我要留下美好回憶!

青春留不住,

要保住好樣D和有韻味D,就要做D手腳,

雖然我不慣這樣,

但有時試試新形象,自己都會感覺煥然一新!

 

-------------------

7月22日謝師宴,

我要跳肚皮舞!(跟其餘九位同學)

我們的制服..我都不知道,

上網都看過圖片,

會露出我的小蠻腰哦!

所以我一定要減腰!狂做SIT UP!

 

但我最想修手臂,太強壯了!

記得,是強壯,不是肥!

這樣才煩惱哦!

 

 

吐血事件一浪接一浪...

 

第一,幫弟弟溫習...

唔知係我天生暴燥定係咩..

又或者佢句句串住哂...

明明自己唔岩都要話返我轉頭,理所當然般..

真係吐血...

衰仔,你真係唔努力d...家姐都幫唔到你...

再幫你溫...我真係會中風...(我真係未試過幫人補習咁辛苦...人地哥d又醒又乖又聽話...)

是否報應呀???????嗚嗚...

題外話,估唔到細佬小學三年級...d數已達簡單方程式的要求....

想當年邊有咁早學呀...濠江咁變態架咩?

張錦峰你同我聽住,你以後係學校學唔識唔好返屋企!(點解可以什麼東西都唔識...完全係返屋企學...)

唔好掛住買NDS!唔好掛住玩PSP!唔好掛住睇火影忍者!唔好掛住用泥膠整拉面公仔..唔好掛住訓覺...

你考試,大家都咁辛苦,有乜謂?

爸媽一句,我敢頂撞?

願主保佑我不要英年早逝...

 

 

第二,今晚幫細佬溫完習...整同學錄封面...

由於係印刷的關係,

個檔好大好大好大...

我已經唔係好叻用PHOTOSHOP...

部機又慢...

最後還要HANG 機..

好吧!!!

我放棄了...

再折騰,我會心肌梗塞...

 

 

第三,又係我,點解又係我喎!

終於知道真相...

原來一開始是我一手造成的,

得到這個結果,我真是應得...

這麼多年...嚇怕了人...

原來我真係咁難頂...

願主原諒我,洗清我的罪啊!

 

 

 

第四,這陣子我真係沒什麼食慾...

我都不知道為什麼...

對吃好東西沒什麼衝動...

是天氣熱嗎?

 

可能我都受溫室效應的影響...

請大家好好保護地球呀!

地球先生生病了....

請把垃圾做好分類,藍廢紙黃鋁罐啡膠樽...

我學校有...

請大家好好珍惜地球...

 

我在幹什麼?

早了...

要睡一下...

明天返9:00

 

 

 

 

 

 

走了那麼久,

是時候,回到主的懷抱中了,

 

遺忘而久的快樂,

要尋回了..

 

-------------

 

今天去了悅書房..
看到一個小天使系列的相架..
"凡事包容,凡事相信,凡事盼望,凡事忍耐"

這是出自哥林多前書的..

以往讀完,沒什麼,只知道,要努力學習做,但又做到幾多?

今天卻知道,這幾句,有多重要...

 

----------------------------------

 

社區老人健康推廣,要上軌道了,

希望,能加把勁,好好想出,如何向老人家傳福音,

亦好好祈禱,我的前路該如何走...

 

 

----------------------------

 

今天幫弟弟報暑期興趣班..

7月初,我不在澳門..

只好拜托小傑去照顧小弟了...

 

小傑~我回來後不會待薄你的!我承諾!

 

 

 

 

要長大,

不要因為一件事而令到另一件事做不好..

現實是沒有什麼會遷就自己的意願...

 

所以,要努力...

不是一味兒工作,

要帶腦子...

而且所有的東西都要兼顧..

 

我要獨立,

有自己的風格和能力,

其實,我知道,我可以的,

好好面對以後一切的挑戰...

 

不再是依賴什麼,

我,有自己一套,

就這樣子。

 

自卑病又發作......

 

總覺得身邊的朋友,都長大了...

還變得越來越厲害..

 

而我,還在原地踏步...

 

等什麼?

等運到?

 

總覺得自己...越來越沒有衝勁...

唔知幾時開始變得咁頹廢..(唔係一直都係咩..?)

 

可能太累了!希望各位朋友近來見到我都不要唔開心...

我唔係對你沒什麼表情...

而係,真係無乜mood...無乜熱情..

 

做什麼都好似冷冰冰咁...

 

不過點都好,

好快無事的,要加油呀!

 

 

p.s:手頭上太多工作要跟,希望可以一口氣ko佢地!加油!

這陣子都比較忙和空虛...

好似有矛盾..

但確實如此這般...

 

前幾日...我帶弟弟去m記...

跟住我就放縱地吃...

終於...在背部生了大毒瘤...

 

一向身體肌膚一向都美(除了面部)

自己去看..一向好自豪,

點解...

或許,我太毒了...

下次都係忍口不吃..

 

今晚和教會的前補習生們去吃飯...

之後去了水塘玩..

咖喱姐姐對你地唔住..

我太累了...

下次帶你地去打機^^

 

班徽完成了...

班歌又搞掂..

同學錄的封面我還在努力中...

自己哥版的同學錄未掂過...

反思還有三篇...

護理管理的書面報告...

嗯..後天科室問書...

後天開始連續4天夜班...

好想睡覺...

睡呀....睡呀.....睡呀............

 

不要醒...

 

不如比我一個星期去放縱la!^^

睡呀....睡呀....

醒來就執房呀.....執房呀....

 

餓就吃呀....吃呀.......

悶就去水塘跑呀.....跑呀........

 

唉...我的說話,一看就知我太累了...

不如早點睡吧...

 

嗯,

咖喱仔,加油!

 

 

 

p.s:補習生1&2:其實咖喱姐姐打扮下都幾靚架!!

     我:我都知..呵呵呵,真識貨!

     補習生1&2:可惜你唔執呢...

     我:玩野呀...

     補習生1:天生麗質,唉,又幾多個真係天生麗質架...

     我:唉...

     補習生1:所以咖喱姐你唔使唔開心喎!!

     我:(大聲道)講多次!!!!!!

     補習生1:咖喱姐!夠豪氣!

     補習生2:咁...咖喱姐好似大佬..完全唔似女仔..

     補習生1:係lo,我識d女仔都唔係咁既反應..

    

此時...無話可說了...