考完試好耐了..
真係一個人都鬆哂...
TNCC考完了..
都失敗了...

筆試40/50就會合格..
而我就是37/50
但操作試VERY GOOD..
哈...人生就是這樣,一分耕耘一分收獲..
80分的努力,就差點運氣以及一點頭腦不清醒..
我沒有哭,因為,我享受學習的過程,
和好同事和好朋友仔們一起努力,
多謝你們和我一起奮鬥..
這,正是青春的動力哦!
Summer,Milky,阿雪,Noel..
多謝你們...我們可謂嘔心瀝血!
多得包仔跟我說,其實計起上黎,只是整整一個星期的時間...
我們已經好棒了..
這句說,都振奮了我們...

不要少看年輕人,我們會再接再厲!
TNCC,我會回來的!!!等我!

---------------------------

豬流感,個名好可愛,
其實又好可怕...
澳門太唔掂了..
萬一,來了,我知道,高密度社區,隔離設備不足..
真係...我呢d箭靶....好驚架..
想當年sars...d姑娘都驚到咩咁..
今次呢個比sars還要強!
散播速度還要快!
嗯...430又如何?
加了人工,多了風險...
願主祝福所有醫護人員,讓我們有能力去戰勝這一場艱苦的仗!!!

p.s:包仔,你都要小心d哦!!

呢排我都好勤力!!
自4月14日開始...
就和幾個志同道合的同事,在圖書館,m記一帶出沒..
拿住厚厚的書本,字典機,
埋頭苦幹咁一起讀書一起研究和解釋..

為的就是一個難到飛起的考試...

嗯..咪講笑,真係好難..
但係,這樣的生活,令我想起中學的時代..

一起溫習的情景..
真係好感動..

有時,回想返,真不明白自己做乜咁有決心報呢個試,

但係,過程中,能夠和大家一起努力和奮鬥,真係好開心,
好得意,好滿足..
能夠一起學習,真係好好呢!

嗯,考試在即,繼續閉關,
不要懶散!
我們都要加油!fighting!

向目標進發!!!

 

求主保守我們都能順利過關!
靠主得勝!

今朝落通宵...

一陣再返通宵///

每天忙碌工作,
身心疲累,

仲春風得意咁報了一個勁難的course "TNCC"
4月22日-23日,去香港考試,

我知,我真係多錢得制..難到咁..你話叫人點考呢?

一睇本書就眼訓,全英就跟本睇唔明,因為勁多醫學字又好難解..

跟住CHECK MAIL,就咁,在一個朋友的無心 FORWARD,我又瘋狂了..

 

對,就是"送行者-禮儀師的樂章",國內又叫"入殮者"

的確,死亡對好多人來說,真的好可怕,

就像一下子,親人就消失了一樣...突然空洞了..

永遠都再見不了,有很多的不捨和對不起...

但在人生最後的旅程入面,得到尊重,尊嚴和美麗,

是多麼美好的一件事,

戲入面講到,棺材是人生最後買的一樣東西(多數LA,不否認有人會買定)
不過都是由別人替你選擇,有點諷刺..

 

戲中,好多人都好歧視入殮師,
但實際上,他們的工作才是最尊貴,

3前年,外公過世的時候.
遺體在家中,
如果,有這樣的入殮師為外公行禮,一定好好..

那時,殯儀館的人,把外公的遺體,乜都無做,就放入棺木,
動作十分粗魯,家人看了十分不開心..

一生完了,還不能給尊重嗎?

這齣戲能拿到2008年奧斯卡最佳外語片,是有佢的道理..

康泰悟人生,
寧靜達永恒..

向尊重離世者的送行者致敬!

外公,你在那邊,也要快樂!

我再一次覺得,做急診,對我來說,很有生命的威脅@.@

4月4日的n班,通宵更,我做外傷房,好開心,因為第二天清明,
無乜人搞事...情況都幾好...就和另一位同事係咁吹水...

 

到了零晨4點多,有一位醉酒鬧事的男人,被警察將佢反手用手扣扣住,

警察就話佢因鬧事襲警整到右手中指損傷出血,

咁我咪想了解下..不過佢實在太癲了,大叫:你地d警察,我告死你地,你個四眼仔,我記住你,你都記得我,哈哈.去死la!#@$#@$粗口一串!

突然佢一腳踼在我面前的三張大鐵治療枱,大聲程度足以嚇到全急診的人呆左...
呢個時候,佢竟然轉過我度,行埋黎,
同我講:係呀,我係凶呀!咁又點呀!(跟住行近我)
個死死死死佬,嚇到我由心寒出黎///
我說:你唔好凶姑娘喎!

癲佬:係呀,我係凶你呀!!咁 又點呀!!!
我身後的同事大叫:你想點呀你,姑娘都想凶??

呢個時候,一眾警察企係度,全男丁,站!
我心想:你的目標係警察,做咩凶我喎!!
我想凶返佢,但佢身形係我一倍,還高我一個頭!
再後退.我無位走了,心想,萬一佢又再起飛腳,
肝破裂,脾破裂,腸破裂,再唔係子宮破裂,仲洗生仔???

這時,Dr Opening衝入黎,以溫柔的聲線同我講,你無事嗎?有冇嚇親你!
我立即口侄侄:我...我...無.....無事...(其實個心超寒)

跟住佢推開個癲佬!
係他人患難時出現的人,才是真英雄!!!!
掛住哥d正義!完全不能相信!!

之後...總結,個病人及後被四肢大綁!
酒醒了少少後繼續發癲..

我以後都對呢d人,彈開十米遠...

佢都痴線架!!
唉!!

比痴線的人殺了無命賠,只會被關在精神病院享福..
點都好,感謝Dr Opening的出手相救,
哥d正義勇士,剩識張d搞唔掂的人帶黎處理!
我地係睇病架咋!
真係,好無用lo!
好討厭!!!!!

-------------------------------------------

我尋日返工接十字車,有個男仔卡拉ok後,出門口比人打..
打佢哥d人,只打佢個頭,面上好多鞋印!哥d鞋印係血痕來的,
真係,我估哥個人只鞋係cats黎的!
好多血la..鼻骨骨折,又有顱底骨折...
屋企人黎到,個阿媽喊到咩咁...雖然個仔都清醒...

 

今日,個病人入了觀察室,
佢已經做了手術,整返個鼻,
但塊面開始腫,
阿媽黎探佢,病人當時睡覺中,

之後,個阿媽望了佢一眼,出去了
問人:請問姑娘呀,x床係咪真係叫xxx呀?都唔同人?
姑娘呆了,忍住:呀,我唔知你個家人咩樣,但我只知佢係xxx!

原來,呢d就真係叫做:我打到你阿媽都唔認得!!!!
暈~

-------------------------------------

阿妹昨天又抄車!一次二次三次,我要好好教育佢了!!
右腳背縫了針,明天就去墾丁單腳滑浪!

唉,點都好,一路順風啦!!!!!!一切小心呀!
真係要晚晚祈禱先得!!!

今晚,全屋得我一個人,同二只貓...
有種,冷冷的感覺~//

冷冷雨..woo~woo~

隨著工作的忙碌,
心情也跟著沉了下來..

 

突然間...有種空洞的感覺..

像是一個人在努力著...

這幾天,我一直都是朝九晚12咁在醫院渡過..
雖然要學習(上午上堂下午上班中間只有吃飯時間..)

我又好想學...但...精神不夠什麼都假..

當你每天零晨三時才能睡覺,第二天就返9點再踩一整天..

會乾枯..

以前的我,像是一個怨婦,每天都怨天怨地,為什麼會咁多人病...

現在只好一笑置之,埋頭苦幹咁做..
心理極不平衡?還是我已經笑看風雲?

現在每天都獨自努力著,

每天都面對不同的病人,

希望自己不要麻木..

那顆心,要努力溫存...

---------------------------------
一位我好重視的好好好朋友..

這陣子都聯絡不上..是忙碌,還是什麼原因呢?
發生了什麼事呢?
點都好,我尊重你的決定,

永永遠遠,我會當你是好知己,

曾經在我患難時,成為我一點曙光...

感謝你,衷心感謝你...
成為我生命中重要的朋友...
----------------------------------

 

4月22及23往港考試,
現在實行閉關自修,
有需要找我,請留意我最新的工作更表,
多謝好朋友們一路以來的照顧,
謝謝!