好肚餓...

但又唔想落雨楂車出街市找媽媽拿錢吃下午茶...

於是...

我計好條數...

5元硬幣有1,2,3...3個有15元...

一元硬幣有.....5個...

嘩!我有20元...

於是就去了雅香吃椰汁大腸撈面...

一講到食,真係忘我...

我:唔該我要加底,加多個面餅添...

諗住叫埋個紫米豆漿...才發現自己好窮...

我:呀...我想問而家我叫左幾多錢(呢樣野我從來都唔會做的...)

點知,真係唔夠錢,算la,叫少d了...

 

這陣子,我真係好窮...

第一,我又限住自己唔好吃咁多,要留返d錢去新加坡(好押韻喎!)

第二,我要減肥...(別人笑我大傻...我笑他人太狂...)

第三,我要窮到比人睇到,d朋友又會好好咁請我吃免費下午茶~~呵呵~~(發夢而已)

第四,又係時候去捐血la,又可以吃個豐富的下午茶(原來B型血是好不足架!!!!!!曾試過新年時無哂B型血)

 

有時候我覺得,我家真的不是有錢,

但係,就會成日吃一些有錢人才會吃的東西...

由於爸媽都是賣海鮮...於是...

媽:今餐有龍躉吃呀...

我:無興趣...

媽:今日有魚翅(真魚翅,魚欄買架)飽魚花膠煲雞...仲有東星斑(都無咩唔新鮮架la)...記得返黎吃喎...

我:我要去m記開會,我會係m記食埋架la...

爸:今晚我又整左龍蝦,大"撻沙",仲有好多大海蝦...

我:好累呀,訓覺先la...

仲有好多數之不盡的魚湯...總之我餐餐大魚大肉...

唉...

其實成日吃到魚都好悶架...

係咪我身在福中不知福呢?

 

不過,總好過好有錢但吃不好的人家...

因為我真係好喜歡吃...

有對吃絕不吝惜的家人...

真係有福哦~~~~

而且我好似...吃極都唔會肥得去邊...(客觀資料,唔信問我身邊的好友...佢地個個都好真誠)

 

但又造就到我...

儲唔到錢...(吃光光,無錢買靚衣服)

 

點都好,感謝主恩la!!^^

-------------------------------

 

近來去icu(深切治療部)實習,都幾輕鬆,但又不會悶...

總之每時每刻都有野做la!!(又有d感受,詳見我的新聞台!)

不過,可以一對一,可以做到全人的護理,真係好開心架...

但係,d護理記錄就...

水蛇春咁長呀...

今日起碼寫了差不多一萬字...仲係手寫...(包埋起稿..)

點解個病人今日發生咁多事喎...(全區每一刻都係爆滿架!由實習至今)

係咪我又濕氣發作??(今日得我一個人返工only)

點都好,要好好護理,要好好照護...

有時真係大吉利是咁講...

要想像下他日自已老了,要別人怎樣照顧自己才是最舒適,

那你就會細心好多,做好好多了...

 

過幾日問書~加油呀!!^^

仲有一星期...又轉去ccu啦,唔知又係點呢^^

多謝...好多謝...好多謝....都係多謝....

 

好感動...感動...好感動...都係感動...

 

主呀..你對我們真係好...

我們真係苦盡甘來...苦盡甘來...(內幕人士知道的)

 

"I will follow him...follow him whenever he may go..."

不斷在腦中旋轉...

真係...

全場高溫爆笑...

我們進入忘我境界...

又扭patpat...又跳黎跳去...

有錄低...100元睇一次~呵呵呵呵呵呵~~~

 

"同學各位,找個位,這是我的畢業禮..."

是多麼令人感動...

我們在樓梯唱比miss時...我們都眼淚汪汪...

真的...四年...

要走了...

畢業了...

工作了...

四年生涯...完結了...

回望,得到總比失去的多...

但,我們都會如斯珍惜...

大家的感情...

好感動...我們這一班...

多謝你們...

 

-----------------------------

5月5日決賽見~~歡迎各界人士參與!^^

擁有一個愉快的晚上^^

 

 

-----------------------------

為順利入到決賽及達娜可以參加決賽而感恩和鼓掌~~~啪啪啪,哈利路亞~~

G6(眼鏡六人組)及2003級同學~萬歲萬歲萬萬歲~~

今晚我地瘋狂練歌...

為的...就是明天的歌唱比賽初賽...

 

好期待...真的好期待...

本來諗住胎死腹中架la...

明天比賽..今日都未識背...

我地的經典名曲" i will follow him"

好多謝那時華美子在blog中介紹...

從而達娜就極力推介...

更多得親愛的Rella幫我地cut原聲...

完成一首好正的無人聲版...

好感恩...是呀!這只歌是歌頌主你呢!!!

 

今晚唱到出哂汗...我地組員超比心機///

眼鏡六人組萬歲!!我地係"G6" forever!!

但係...其他的同學笑到碌地..

喂!正經d la...搞到我噴哂d氣...

無氣唱架la~~

真係好激...

正s...

我地仲有11 組合送俾全班的開學禮...

又要背歌詞..唉...我要做低音組...廢事係高音組累街坊...

仲有一首獨唱...(唔知玩咁多做乜)

於是,我都係決定,放棄...唔唱獨唱了!!

橫掂上年都過了癮la~~

 

今年就,專心一致我們的i will follow him!!!

我們會穿戰衣上陣,

要加油呀!!!!!!!!!!!!!!!!!!!!!!!!!!!!!

 

大學最後一年,玩盡佢呀唔該...

我們會不顧儀態,(好似得我一個發哂癲咁..)

唔理la,
明天好似有人錄低...總之,不要流傳出去,

要不然,無人要了^^

 

隊友們唔好出賣我呀!!!!!

 

想要的人,請預先申請,我們要批核架!嘩哈哈~~

不可含怒到日落...

 

開始想通了///

你要幸福呀!!

你找到幸福,是值得高興的事...

我也不可以主觀地去看一個人...

其實,這是緣份吧..

你們早就在遙遠的地方認識,

這真是奇緣呢...

 

希望他能一心一意對你,

不再是"有空出來浪漫下"..

我已經好開心...

對,既然你們有緣份...

我更要祝福la!

R姐姐,要快樂,快樂,更快樂...

有你這個好朋友,我都好幸福呢!!^^

倒數...一日急診...

 

之後就剩下兩個月校園生活...

然後就係...say goodbye...

4年就咁過了...

就如昨天剛考進培正一樣///

 

一樣好多的經歷...

對我的人生也有很大的起伏...

如果...

要把這幾年內所發生的事記下來..

真的...可以出到一本書了...

一直好想down返自己的日誌下來,印出來,

第日睇返都搞笑呀ma!

可惜,無咁既時間和恆心呀...

 

有時在想,世界每天在變...

我,又可以再走幾多路呢?

 

--------------------------

 

好唔開心...

我真係好唔開心呀...

其實我唔可以咁自私...

 

我都好希望你幸福架...

但...

 

一直有你撐住我...

一直有你陪伴我...

一直有你在我身邊支持我...

雖然我們認識了時間不是很長很長...

但你在我心中有一個很重要的地位...

 

每天放學,我都會打給你,

無聊時,我又會打給你..

寂寞時,我又會打給你...

有困難時,我又會說給你聽..

你又會嘗試努力幫我解決...

 

如果這個是你喜歡又心儀的,

我會好開心好開心...因為我知道你選中的是好好架...

 

但如果為了抵不過寂寞而選了...

我真係好唔開心...

 

我不想你再受傷害,

 

怎樣都好...如果有日,那人負了你...

告訴我...

因為我不會離棄你的,

我會好好保護你的!

放心......

 

多謝你這些日子來,這樣的照顧我...

又一個好朋友像是離我而去...

好心痛...

或許,我不要這樣依賴呀...

因為,別人都要幸福的嘛...是不?!

就這樣,小咖喱祝你地永結同心,白頭到老啦!

 

讓我心痛一晚好嘛...

突然...

好舒暢///

由於"她"經過兩個月的長途後終於來了...(唔痛哦!!)

亦都交了論文...

突然,唔知做咩好...

想放鬆開心暢懷,

又諗到好多細節要跟...唉...

 

昨日上護理管理的課...

阿sir教我們認識自身的壓力,

比左幾個測驗我地做...

原來,我壓力就屬於中等la...

但係我就係屬於a型人士...

而且仲係超a型(我咁急燥架咩?)

完全係爆燈...(我跟本唔想認...所以我在自欺欺人的情況下無舉手!)

呢個型的人士,係好易有心臟病架..

 

急診好多東西...又多野學,

其實都好好...

希望下一組的同學唔好比我地嚇驚la...

 

做埋今個星期急診就走了...

下一區去icu...好緊張...聽說問書好難喎...

自問無乜料...要惡補la!

尤其是心電圖哥part//

 

昨天,我比梁姓k字頭小姐玩死..

話說阿sir要我們講出自己的壓力來源,和處理方法...

我地就自己組先討論...

佢狂話得三個來源太少了...

有否多d,

我輕輕來過一句..

車,你咪講無男朋友咪就係壓力lo..

大家在笑笑,深知我講笑...

點知,k字頭小姐在向全班和阿sir匯報時...

k:最後,我地組有一個組員(哥時佢望住我大笑),佢話佢無男朋友好有壓力喎...

這時我不作聲,點知..我其餘的組員一起指住我...

嘩...你班友仔...

全班笑聲此起彼落...

阿sir笑笑口:係既,無男朋友真係有壓力架...

車,車...你班友仔...雖然我地組有人脫離單身...

但其他都係無架嘛...

整到我比人笑(雖然成日都比人笑~~)

 

好快又要選科室,唔知我第日會去邊呢?

 

----------------------------------

今日急診,有個伯伯氣促入黎~~

房顫...

佢家人都來了...

在等待上ccu時...

我路過,伯伯周圍都無人...

佢在哭...

好似小朋友咁...喊到好傷心...

睇到都心up...

邊個想病...

唉,討厭!

 

 

 

 

 

 

 

 

如果...

暴風雨的前夕是風平浪靜..

那.........

 

我一定是被塞在暴風雨站的瓶頸位呀大佬...

-----------------------------

事緣整晚都好風平浪靜~~

我在享受那溫和的急診燈光中...

眼看快放工...

開心快樂又一day..

我都話我唔係咁濕架啦~

...

(以下請膽小又怕核突的人勿愉看)

點知...

嘟嘟..

姑娘:喂?

對方:我地係氹仔某記,有個左下腋損傷,流好多血...送緊過黎架la..

我和姑娘對望...心裏一句...xxxxxx

r房...戴手套...

來了...果然...望入十字車...裏面已經一大攤血...

病人為外籍人士...左手掌血肉難分...左上肢一大條深坑...血如瀑布般...

血壓77/30mmHg..

立即補液...好在後生...血壓回升...但一直...好亂...因為佢醉酒...

 

一個醉酒的人..可以好亂(如果我第日哥個係嗜酒!唔該同我係呢個世界消失,唔好累人累物!不過我都唔會搵呢d人)

佢返屋企,開門鎖時整斷個鎖匙...

然後佢從大廈外圍爬上5樓...

到達時用手打爛玻璃...

欲進...跌回地下平台...

其實當中有d問題架...

為什麼佢沒有骨折?只有損傷...

就這樣...

忙...好忙...一直好忙...

我還小,只做好配合和部分協助溝通...

每當我看到他的手掌...

不禁毛骨悚然///

你看過手掌的肉...和手指的肉...在半空中舞動嗎?

又或者同你say過hi?

佢要話你知,佢的骨係咩形狀!同埋有幾勁...

唔得,我寫完都唔想再睇呢篇野...真係好嘔心...

就好似拼圖放歪了..

呀!

停,唔講!

最慘係佢家人無錢...唉...那個場面...多堪輿?

他媽媽淚如雨下...唉....

最後還是送上山!

凌晨1點3,各位早安,我放工了...

好累...但好刺激...

不過血曬r房...我總覺自己全身好骯髒///

該洗的洗.該掉的掉...

累了
下回分享@

我個磁場真係有問題~

尋日一返到去...

急救房...無停過...

先來一個急性左心衰+肺淤血..

送走後又來一個急性心梗...

送走後...又來一個流鼻血不止的婆婆...

都忘了診斷...只知佢心電圖偶發性室早...好似係腦出血

其間不斷有n個症要上...

有n個針要打...等等..

最勁係連助護都要出去做分流...(觀察室的護士去了跟ct...)

最搞笑係...

全區電腦都hang機...

包括第二診室...護士站...r房和觀察室!!

連掛號處和住院處部影印機都short埋,(最慘係重要趕住上的時候short)

我係咪好勁呀???
我無可能咁架喎...

師姐的男朋友...2:00買了宵夜佢..(好羨慕哦...)

佢今朝8:00都未吃...

佢話佢從來未試過咁忙架...

咁..係咪即係我???

 

-------------

今朝交班我比人取笑...

叫我"濕仔"...

連最好人的絮卿姑娘:唉..真係做到暈暈地..

你話我今晚放你邊個位置好呀...

同學:哦?佢今晚做分流喎..咪死梗?

我:唉...你今晚塞我去廁所好了...哈哈哈...

護士甲:睇下你叫咩名,認住你先~簡直係急診的克星!

我:咩喎,我增加急診人流,增加醫院收入,咁先有得加人工嘛...

(然後我反轉個牌,我:我叫禁止吸煙<--張貼紙)

 

暈...低...

 

尋晚仲聽到個1歲大的小朋友...咳到好似犬吠聲..

原來急性喉炎係咁樣架...

有幸聽到...

但聽下聽下...

我都好似咳成咁架喎...

不如我都請假睇醫生返屋企休息完再去吃大餐好了~

哈哈哈~~

唉...louise姐姐請吃飯...無緣...

但佢話會有寬限期~所以我要5月頭前好起來!

呵呵呵~~~~~~

 

-------------------------

準備值班去!今晚一定要風平浪靜....(但今日係星期日喎大姐...唉...)

 

 

 

 

連續捱夜就出事..

今早一起床...聽電話...

我:喂///

依,出唔到聲既?...再大聲d...喉嚨好痛...好多痰咁...

頭又痛...

最搞笑係...對方叫我唔好玩野...叫張嘉莉黎聽電話...

暈低...

現在的聲音,可以唱男低低低音了...

 

好唔舒服...

現在有少少發燒...

明天開始又連續值兩晚夜更...

 

唉..總覺d人認為醫護人員係超人...

講真,人都會病...都係人...

對我們的態度好少少呀唔該...

都係搵兩餐晏仔啫...

 

完成論文後唔再夜訓了...

同埋某朋友仔(身心不一致那位)唔好再引誘我!我唔會再同你玩架la!(心照不宣,自己對號入座!)

我怕麻煩呀ma!

呵呵~

 

各位加油這個學期!

 

失而復得...

那種感覺...

嘻~好開心...

跟住就是更開心...

不斷咁開心...

因為...

話說我上星期值夜班...

凌晨一點放工...

返去的時候...依?鎖匙包呢?

不見了???眼看只有兩個同學...先叫佢地不要拋下我一個..

飛奔返去急診...

都係無喎...

心諗..死啦...有給公公用過的指甲鉗...還有老師給我的兩個絕版瑞士銀幣...

當然還有鎖匙...唔係掛...屋企鎖匙...銀包...連衣服等等都係入面..

唔通我要穿制服回家??好恐怖架喎...

我在祈禱..haha~~果然..無諗到關關在手術室拿了個唔要的十二彎(血管鉗)

我///竟開了鎖...(鎖側面有個小孔...竟然...可以整開..咁兒嬉架咩?但我過幾日...我去找全場同學的鎖...同牌子同型號...我只發現全場得我一個鎖係有個小孔方便整開個鎖...真係...唔知講咩好...是主你安掛的嗎?哈哈~)

之後我一直尋覓...急診的護士站...觀察室..分流站..連回學校路上都找//都係無...

今天我去飯堂,笨蕉叫我...比返個鎖匙包我...

我大叫...嘻...

原來...在飯堂...阿姨貼左係增值處///大大只字寫住失物認領...

我咁多日去飯堂都唔見..搞笑...

笨蕉,我要請你吃飯!

主呀!感謝你呀!!!!!!!

我不會再唔見!(雖然唔見了三次)

今次我絕不再拿出街...一定放在家中!!

就這樣!!

和組員日日咁互相取笑..互相鼓勵...一起擔心...一起大笑...一起暗串某......

好開心...

還有個多星期...我地又分成兩個小小組...

我地...要好好珍惜..

在急診///雖然遇到好多唔開心的..

但,更讓我們互相支持關心鼓勵...

好好珍惜,因為我們走在一起實在不易...緣份吧(好肉麻呀!)

我有你們,已是榮幸///

別人笑我太瘋癲..我笑他人看不穿...^^

---------------------------------------------

 

前幾日有個小女孩...18歲...入黎急診...

就咁死左...

...........................不過佢係長期病患...

腦瘤...但...花樣年華的時候...唉..

我拍了拍他的弟弟的肩膀///(只有佢在急救房外呆了...佢的家人都在入面)

他點了點頭,加油呀,她走得好安祥呢!

我接更時..就知我放工前發生了,我沒有專登入去看...

聽同學說,第一次打包個咁後生的..有點心寒..

是心寒..還是為那年華婉惜?

 

今天...一個20歲的男孩因吃過量安眠藥..入院,

佢全身抽搐...

來診時已隔10個鐘..

胃已排空...意味著藥物已吸收...

點樣洗胃都無用...

就利尿補液...

一直神志混亂...

男孩的女友一直在旁照顧...還有一堆家人///

只不見佢爸爸...

怎樣都好..生命無take 2呀!!!後生細仔仲有好多的路呢...

 

又...一位男醫生...在幫佢檢查時..

男孩一直叫好想去廁所...

個醫生好似當聽唔到..

男孩自己下床...差點跌到..

佢都無去主動關顧佢,扶都唔扶下..(周圍d護士都唔得閒,好忙,我就在隔離床打緊針...成手血..)

一個人...有冇心去對人,

很少的動作就知道了...

 

-------------------------------

去新加坡15日...真係好勁...

總覺得...你去一個地方久一點...

你給的感情多一點...

就如去泰國...無感覺...

多哈...唔想返黎...

又或者..要看看你心態如何//

又或者..得到什麼體會...

要加油..要平安..要享受,再出發!

對~向世界出發!!!

 

 

 

"濕"到暈..

今日突然比人叫左去做急診分流...

早上還可以...怎料...

姑娘自己走了去吃飯時...

留下我一個人時...

開門...開門...不斷開門...

因為d十字車...趁你唔得閒時...係咁黎...

痴線架...

我係咪好濕呀??無可能架喎...係咁依..一個早上..接到10架或以上....(多到都唔記得...只知好多好多)

 

早上一個孕婦穿水...2-3分鐘陣痛一次...

我跟一個工友...推床去6樓產房...

第二胎...心怕在搭電梯途中...

生出來...

有一個按摩技師..唉...佢一樓入電梯..2樓出...

好心你la!行得走得就行樓梯la!

救命架架電梯!(係車床專用哥只黎架!好大架哥d~普通哥d你搭飽佢la!)

唉...

好在安然無羌...到產房...交俾你地la!

 

返去...又來...

有個病人話好暈..我已經知佢唔係路...跟住我交比姑娘...(入去跟手續)

姑娘叫佢休息下..下一個到佢...怎料佢一行出去...

砰一聲...暈低左..

好在那時我在入面...全不知情...

要不然看到這情景...

我會呆左...(為什麼總不能自己冷靜呢!)

 

今日姑娘教好多野...

急診的特色..如果做過好醒的護士...

如何觀察等等..

最深刻的是...

佢話如果見到大人物..或者一大班記者擁入黎..

你要點樣處理...

嘩!!原來佢地試過架..

仲有集體食物中毒la~

哥d大場面..真係係電視先有...

 

之前我都預過家庭糾紛...個小朋友為了媽媽不被打..被爸爸爆玻璃瓶,口唇裂開一條大縫..全身血..

撞車la~工傷la~d指呀..爆到爛哂..電到有人肉的香味呀...(熟左哥d)

小朋友發燒全身抽哂搐咁呀...(真係全個人直哂..)

呼吸衰竭呀...急性腎衰呀...

 

總怪自己不是一個醒目的人...

如果我醒d就好了...

在急診一定好好地被挑戰!

---------------------------

p.s:中中返教會了!!haha~~好開心呀!!主內平安呀!!你一定會是位好醫生呢!!^^

一個女孩覺得寂寞難耐...

睡覺時輾轉反側..

欠缺一種特別的安全感...

此時...心裏有千樣的想法...

卻不知從可訴說...

那種的感覺...

只有一句...淡淡的...

好鬼炆呀!!!!!好乞人憎呀!!!!!

 

老豆阿媽細佬都分別返去廣州和中山玩...

阿妹從傑家來...從傑家去(佢男朋友)

真的好想...發癲呀!!!呀~~~~~~~~~~~~~~~~~~

獨守空房...

好在都有個夜班返下衝擊下!(但只係2晚)

要不然...

有冇人想去我家玩或者訓覺呀?我有好多間房呀!!!(只限女性唔該)

好悶呀!!(不過咁多野做...算吧la..)

 

只從上次右手拇指"插魚蛋"後..

一個月都未有好轉...

間中痛下都幾係嘢...

今日..我...泊車時...

唔知係咪衰開有條路...

同手指..同地方...一手就插去部車度...

右拇指又傷多次...

終於明白打波的人..只腳"咬柴"完又再咬...

因為...該處靭帶...已經鬆左...

唉...

又唔知幾時好返了...

 

聽緊卡農...在寒冷的天氣下..加兩分憂傷...

哎喲...陰公lo...

 

 

今晚急診值夜班...(0:00-8:00)

明天係(17:00-1:00)

希望可以平平安安咁渡過今晚和明晚...(唔好咁多十字車...一開急救房就大煲了)

期望羊羊和我都唔好咁濕(黑仔也...好多收症和麻煩野的意思)

比心機^^

 

嗯..經過一個星期的學習...

發覺急診都並不是想像中那麼令人討厭...

只係...

好亂...

好多急診...好多唔同的東西看...

不錯...

只係...如果返B1位時...

唔好咁多"紅A"在的時候...

壓力會咁無大...(尤其是國父的太太...)

 

我們放學在急診逗留學cpr(心肺復甦法)

和組員一起笑料百出...

 

心情累了,就乾脆致電給媽媽...

晚上不吃飯,要吃pizza...(我知媽媽一定說我弱智..)

但想不到..

我:媽,我好累呀,今晚有咩食呀?我想食pizza..

媽:你鍾意la!問下爸爸煮左飯未...鍾意就叫la!

我:哦>?????????????????????

收線後...

同學:係咪阿媽話你痴左線呢?

我:唔係呀..佢叫我叫pizza...

同學:你家人對你真係好好..好錫你..

我:我都知...真係好好...

 

爸:喂,你唔返黎吃飯?

我:我要吃pizza..你吹呀

爸:你白痴架?

我:我問過阿媽~

爸:哦,咁我唔煮飯了...拜拜你個頭...

 

總覺得怪怪地..

對我咁好做咩..

我又唔係乖...

 

但...總要多謝你們...

多謝...

真係好多謝...

-------------------------------

我心愛的兩個人...都撞車了...

你地要小心d呀..真係...

別讓人worry呀!!知嘛!!