| Curry's profile我愛這世界PhotosBlogLists |  Tools  Help |
|
February 25 日記319前日開始我返夜班喎..
值班編排:護長和我值護士站,小燕觀察室,瑞新分流,通宵更係4個人值全區!
但這一part..我跟護長,
壓力好大好大好大,深怕自己做得唔好...
於是...
第一晚,下夜,即通宵,
理應坐係度唔理..無野做,個個訓覺唔會病..
點知...
蕭醫生:嘉莉呀,幫個病人做個心電圖呀!
我:好呀!無問題!!!!
病人,心前區不適,有高血壓,然後...我一拉張圖..
我一睇, x...............x 忘了哪幾個導聯,st段抬高到咩咁.....
我同醫生講:醫生,我幫病人做埋右壁和後壁吧...(我已經知道,非入搶救房不可..)
蕭醫生:哎呀,心梗,開r房!
我低下頭,不出聲...我知道,我的春天,來了..(濕氣重)
我好忙好忙,護長叫了分流的瑞新師兄入黎..
我係咁做係咁做..
然後呢,轉過頭,師兄在寫護記,
我見幫得七七八八,出面掛號處係咁叫咪(即有人掛號無人理)
我就出去分流幫下手..
一看,6個病人等住我... 突然觀察房的小燕姐出黎分流,
小燕在開急救通道的門,我轉個頭見到喎,(那時我在分流)
我:哦?你開咩門呀?都唔見有十字車!有病人轉出嗎?
小燕:你個濕喱做乜坐分流呀?唔怪得知la,剛收到消防電話,有個西入(即係死左的人,現在比人cpr緊)
我:下????做咩喎,做乜唔上山頂呀???????我地好忙呀!!!!!!咁幾時到?
小燕:就到了...
然後,我抬頭,來了!
我神色凝重咁,叫d其他的病人讓開,我站在自動門,同消防員大聲講一聲:快!r房!(呢句都幾無聊,係人都知la,不過可以加強我的氣勢
 )d消防超級快,跑,真係好型,不過就做死我地,
醫生唔夠,護士唔夠,觀察房的都出來,那里的病人只有護士助理去看..分流無人睇,那怕小朋友燒到39.5...
蕭醫生剛上完個心梗,轉個頭,唉..佢即刻幫病人cpr..
男,32y,在家突發氣促昏迷,(持續時間不詳..)
家人在外地,女朋友送佢黎..
我見佢地咁忙,我又想睇下分流,因為太多人了,
我又怕出面有人又病重...
於是...
我好努力又好快咁分流d人...
突然,有個叔叔跟我說:姑娘,我做過心臟手術呀,係香港,現在我個心痛得好辛苦..
我好緊張:下?咁樣,你快d坐低,我幫你量血壓先la!跟住我即刻同你做心電圖..
然後,我又唔理出面,心電圖,嗯,我無眼睇...
真係好熱鬧,
係呀,係la,呢位病人又入埋急救房la...
新師兄,回來,佢繼續接這疑心梗..
佢輕輕在我耳邊講了一句:你個正濕喱!
icu的蔡醫生也來幫忙!
然後...
小玲護士助理入黎:嘉莉呀,出面有個哮喘的,你出黎睇睇佢呀!
我出去,伯伯在吸氧,好在spo2都有100%,
不過佢呼吸都好促,
唉,問佢有冇舒服d都係無用,
我入去叫醫生:唔該,你地可否找個醫生,出黎睇睇個哮喘...
跟住剩下蕭醫生和蔡醫生,何醫生就走了,佢地cpr都出哂汗...
由於我又要3分鐘推注一次腎上腺素,
我愛莫能助...
最後我都係幫得幾多就幾多..
幫手為病人cpr..
最後,搶救無效,我地都好唔開心...
然而,好在第二個心梗唔係極急,都急,但上面有一個正在手術中(導管室)
無位..最後都入了ccu..
第一個心梗病人呢?造影後,發現右冠狀動脈100%閉塞,聽師兄講,呢d病人,好易"呯"一下,心臟就會停,
真係好彩..
---------------
放工,護長笑笑口,同全部人講,嘉莉真係一個濕柴...佢好勁,真係搞笑...
我笑笑口,
佢還建議我第二日的更入觀察房,
我笑笑口.............
唉,我第一次,因為太濕的關係,第一個p班就入觀察房(通常係去護士站的)
不過我可以跟到我愛的小燕姐,
開開心心幾好呀!
(果然,佢地出面,一個搶救都沒有...)
是我在危害澳門市民嗎?
還是他們救了澳門市民?
==========================
這陣子,好快樂,真的好多謝你和你!
---------------------------------
祝福我的你,要好好振作,我永遠在你身邊,好好支持你,我的肩,永遠為你準備好,好好愛自己,不要太傷心!
如果,快樂和傷心可以轉移,可以轉給我傷心,給你快樂嗎?或者一人一半,你可以無咁難受,而我,我願意為你撐住!!
 February 20 日記318February 13 日記3172月11日,我不開心,
2月12日,我好開心,
2月13日,重病中...
唔開心的不提了,
尋日我本來跟口腔科一天,
怎料,沒有手術,我不用過口腔科門診..
本來是8:00-12:15,下午15:00-18:15
點知中午有個小女生,跟我差唔多年紀的,在家沖沖下涼暈低左..
(大家記得緊記,沖涼要做好抽風系統,尤其當你用媒氣或石油氣熱水爐..)
嗯,一氧化碳中毒,真可憐,
本來我不是跟佢去高壓氧倉,
點知,我同事重感冒,鼻超塞..
於是,由我頂上,(又可以變靚靚了)
由於我本來放工,但要跟倉,護長改了我的更..
本來18:00放,變了..15:30放..HAHAHAHAHAH
中午的午餐還是我的靚靚靚帶教請,
雖然我14:30回來吃埋飯之後都差唔多放工..
嘻~
不過,人生總會有大起大落的時候..
我其實全日個肚都唔知做乜,好辛苦,
可能我連續幾天都出街吃飯..
尋晚仲去打邊爐..
好唔開心,全程頂住頂住又想嘔,
又胃痛..
對唔住呀小盈,仲有唐氏兩兄弟..
晚上小盈車我去急診,
打了PAT針和血管針各一枝..
好似好D,回家又痛過,
最慘係沒有肚瀉,不乾淨的東西排不出來,
於是,半夜1:00,我嘔到七彩..
現在什麼都沒有吃.
好辛苦,
以前除了暈車時,都沒有試過嘔..
今回真係吃到嘔呀..
嗯,本來今晚仲有飯局,
看來要取消哂,
由於身體抱羌,連跳舞都去不了..
現在呢一刻,我個胃不時陣陣咁痛..
嗯,我寧願肚瀉都不要嘔吐..
感覺上我的消化道唔通,
唉,我不要病哦!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
今晚仲要通宵返工,明天還要追更..
嗚嗚嗚..
求主賜我一個健康的身體..
February 11 日記316好開心!!
前天晚上跟急診的同事唱k.. 然後睡了5小時後,返工,
搶救三個,
好在沒有西人!
好在好在^^ 之後就係晚上約了高中的mummies組合去經典吃飯!
好開心,
真係好開心,
估唔到中學到現在!真係好難得!
之後我地又去唱k了..
今次有kobe,欣姐,生爺,小婷,小臻,jessica,我的靜怡,今次我仲叫埋歌神中中和我的老友鬼鬼奶蕉,
haha~好不容易捱了一晚,
一朝,
於是我就昏迷了12小時..
原來我係咁累的!
好開心,玩樂的生活,
不斷休息的生活,
我喜歡^^
我愛,不過就使左好多錢!
好吧!
之後我要聽小奶蕉講,我要儲錢la!
嗯,呢個目標係大d,
不過我會努力,
因為我張嘉莉!
要做的,一定會做到架! 嗯!我有的係決心!
嘻嘻~
p.s:令我很感動的一件事,我要好好記住,一封沒有利是封的利是!  February 09 日記315今日是年初三!
嗯,我咁大個女,
由出生到現在,
這是我第1次,真的是第1次,
在澳門過年三十,大年初一二...
以往的日子,和人,和事,
嗯,甜甜的,留在心裏吧...
公公,你好吧?祝你新年快樂...
---------------------------
這陣子都愛上魏如宣,如昀這兩姐妹,
各有風格,兩個都愛,
尤其是姐姐,
我愛,是因為她的歌聲..
像是讓人躺在草地上,
寧靜的,給你欣賞這個世界,
嗯,對不起,這樣遲才找到你,
係你la!
我,好喜歡你呀!
如萱^^ 你要努力!
特別推介:新專輯:甜蜜生活
拉拉拉拉[la la la la]
花王[Flower king]
一起去旅行[Let's go travelling]
房間[Room]
香水[Perfume]
女人經痛時[I'm menstruating]
(我在打曲目嗎?其他都好正,費時打哂出黎la!)
--------------------------
呢陣子我又在發夢,
以為今年在特別的節日可以過得特別一點,
haha~傻瓜!真遲頓!
不過我現在挺享受現在的生活,
對,愛生活,愛自由!
願大家在新一年幸福快樂!
自由自在,心想事成!
February 06 日記314近來喜歡了魏如萱和魏如昀這兩姐妹,
歌聲好聽,而且..
不知怎形容, 除了綺貞外,不禁令我一聽愛上的,
一個長髮,聲音甜美溫柔 一個短髮,風格充滿個性,唱歌好好聽! (這是妹妹,姐姐的就是我BLOG的背景音樂!)
--------------------------------------------- 這陣子有點不太了解自己的想法,
哈哈~
自己開心就OK,
是嗎?做人呢家野,最緊要開心,
對嗎?
今時今日,我慶幸自己吃得疴得訓得~
有時間仲可以玩下,享受人生,
真係,不亦樂乎!
---------------------------------------------
尋晚P班,見到高中同學,
佢發高燒喎,
我咪叫醫生睇佢先!自己友呀MA!
我:牛哥,幫我睇呢個病人呀,我個朋友黎架!
牛哥:好呀,無問題,
我:唔該哂你呀!
睇完後,牛哥入搶救房找我(其實我一直在搶救房,那位同學真幸福,咁都見到我,因為我咁岩出去分流搞D野,你要感謝主哦!)
牛哥:你個朋友睇完LA,佢找你喎!
我:係咩,唔該哂你呀牛哥!
牛哥:喂,你個X朋友,有型有款又高大靚仔,真係唔錯喎!
我:唔好誤會呀,真係我高中同學,我朋友咋,
牛哥:咁大個人,怕咩醜JE,唔使唔認喎,哈哈哈哈~~
我:你多事呀你!(笑返佢...然後側側膊閃走)
以後真係要小心D,唉,不過,有時咁樣都幾尷尬架,
算LA,幫到朋友好開心了!
身體要快D康復呀!
-----------------------------------
又有新戲LA!
我勁想睇魔法奇緣! 喜歡睇驚喜得意又搞笑,又喜歡童話的你,不要錯過!!
-----------------------------------
今日駕車拿車保險,途經俾利喇街,在電視台門口,
放在車前面的反光板跌在路中心,
我好驚,立即泊埋一邊,
但係我太驚,車子怎樣也整唔起(有野阻住)
我一轉頭,原來有架私家車遲遲都唔開,佢在等我執返先,
我都唔知好白痴咁,雖然好感動,
但我又怕車前的手袋比人拿走(其實我拿住手袋去執就OK)
我就左彈彈右彈彈,都唔知想點..
人生交叉點(自己白痴造成)
於是我用手示意叫車子照開,
橫掂我張反光板..
只售4元...(別用雞蛋打我!)
唉..白痴,最後我在一架大貨車面前,執回...
---------------------------------
回家,發現行車證不見了,看來還有一大筆錢...要使..
---------------------------------
人工係加了,比媽媽知道了..
佢主動跟我說,
媽:你加人工了?
我好老實答佢,我係加了人工..
因為我覺得,家人都呃,咁你會對咩人坦誠呢?
媽:咁可唔可以比多D錢我呀?
我:咁你想要幾多呀?
媽:你喜歡啦,呵呵呵呵..
P.S:我現在已經給家人一半有多..
有點後悔坦誠認了..
唯有日後坦誠同佢講我的想法,
希望佢明白,
我有多喜歡去旅行!
February 03 日記313嗯,呢陣子好開心,好開心^^
自前天晚上回來後,
節目一直停不了!
昨天早上返7:30..
苦不堪言, 好在自己突然彈醒, 要不然又遲到了^^
全天我做分流,
一個人接了廿多輛十字車..
全部醫生一直都指摘我,話我濕到咩咁,
阿明仲叫我穿紅底褲!
唉..
中午的時候發生了一段小插曲!
在急診見到學杰,因為佢有同事受傷喎..
我:喂!學杰~~(大聲叫)
杰:哦???乜係你呀?依?咁岩既(戴口罩真係無人認到)
我:你個同事做ct,有排呀,你出去吃飯先la!出面下雨,你有冇遮呀?我比你呀!
杰:唔使啦!好細雨之嘛! 點知我隔離坐了我最愛的麗慶姑娘(我帶教老師) 她:嘩!有冇機會呀你?有冇拿電話呀? 我:哦?????唔好亂講野呀!!佢係我高中同學黎架! 她:嘩,你咁揀擇架,佢有樣貌,有高度!
我:係架,人地台大畢業架! 她:係lo,咁正,上啦!你要求咁高架! 我:唔好玩la!人地有女朋友架la!
她:一日未到結婚,你一日都有機會架!嘉莉!上呀!加油!
我:你真係..笑死我...
我親愛的之後約我放工去吃下午茶,
佢請喎!!好開心,因為我地都返a! 超開心哦!!!
去了新榮記!
仲有,之後我地去睇衫和睇鞋,
我地仲去yellow狂掃
佢話要破我記錄! 嘻~多謝你呀! 晚上和急診的同事們唱k... 超搞笑,好開心!
多謝你地哦! 仲有呀,好鍚我的哎呀媽媽提醒我明天找佢拿利是,
^^ 你的美國之行,要平平安安順順利利呀! |
|
|
