因為我同班急診朋友仔一打邊爐慶生!

 

對,張嘉莉,

生日快樂!

哈哈哈~

以下記錄時間仲係12月29日架..

-----------

尋晚,和好友真的通宵達旦..

嗯,多謝你^^你也要開開心心^^

 

今天一起床,下午3:00了,natalie致電,相約去拱北...

今天開始,我不會覺得她是路痴了!

因為地下商場呀...我完全不能認路..

咁鬼複雜呀,真唔明你班友仔咁強勁,想去邊就去邊..

b區裝修後,我已找不回暗暗的"正版天堂"的密室///

我已唔開心了一陣子..

點知..

今日,natalie小姐又介紹了一間給我,真係比十個叻佢呀!

yeahyeahyeah~又有得買"正版"了~

好開心呀!!!

好辛苦我先認到路,下次邊個要去,我帶路!哈!

 

今日掃了好多衫,明天扮靚靚~

因為,

12月30日是屬於我的平安夜......

嗯,要好好渡過,

我知,我會好快樂的,是嗎?

 

有時覺得自己都幾大話..

此句適用於對小朋友..

對,我常常講埋d天方夜談的野來氹佢地..

 

好似尋日,我幫手捉住個bb..因為他要打針...

他不斷喊不斷反抗..

我地不斷同佢講要幫佢捉蟲蟲,捉左就唔會唔舒服架la..

打完,佢當然喊到咩咁..

我望下自己充滿墨水的手..靈機一觸..

 

我:你睇下!你d蟲蟲走哂過姐姐只手度,而家到姐姐要打針了!!你唔使打架la!

個小弟弟即刻無咁大聲喊..

佢家人即刻和應我..

我:咁la,見你咁乖,我係你的手背畫d公仔la..

我現在最拿手,倒轉畫花花車車草草仲有太陽等一系列..

哈哈..跟住佢望住我笑,

之後我去佢離床加針呀..佢都望實我..係咁微笑..

可能佢想望下我比人拮針有冇喊~^^

 

之前,有個25個月大的bb,佢係咁喊,因為佢滴緊鉀水..係會刺激血管,會痛的!

他不停喊,5個家人都氹佢唔掂,我本來好忙,忙完後,不忍心,就走過去..

我:xx(小朋友名),你做乜喊呀?係咪只手仔好痛呢?(我就摸摸下佢個手仔和針口附近位置)

bb:係呀,唔要呀,好痛..痛..

我:咁la,姐姐幫你變走哂d痛痛好唔好呀?

bb:好呀..快d..唔要痛..

我就先摸摸佢只手仔,再望個d藥水..(原來係調到極慢,再慢就不滴了,而bb又低鉀,一定要滴)

我就大聲說:我變,快d變走d痛痛la!

之後再畫一架車仔係佢針口隔離..(之前我同佢溝通,佢話唔鍾意超人,唔鍾意軍曹,鍾意車仔)

我:拿,你現在唔會痛架la,再痛架車車會幫你撞走佢架la!你而家係咪唔痛呢?

bb:嗯,唔痛la!

我:你好叻呀!咁就乖la!快d訓覺la!唔舒服的話,再話俾姐姐聽!知嘛?

bb:哦,知道..

 

5分鐘後,我再巡房..bb睡覺了,好熟好甜,家人連聲道謝(因為佢之前哭了太耐了..起碼20分鐘以上)

 

有時候,小朋大的天真..真的好易被騙,

所以我們唔好好似金魚先生小姐咁成日騙佢地,

但給佢地一點童話,不過份吧,

 

願小朋友們都能快樂健康的成長!

第日我地老左就靠你地架la!

 

今晚第三晚夜班,

之前兩晚開開心心渡過..

雖然尋晚那個疑心瓣膜發炎...

但過程之順暢(由於太多人幫手)

開開心心下班了^^

 

今天,我觀察室...

開頭還可以吹水唔抹嘴..

飲可樂聽歌..

 

我幫手寫記錄時..

嗯,同時一間拿了10個牌入黎..

即突然多了10個病人..

變態的!

我當然寫唔切a!

亂到抽哂筋..

苦了清和玲玲..

佢地都叫我唔可以寫野..唔可以再做坐枱小姐..

因為會吸哂d人過黎!

最可惡係張醫生,

他說:真係開心呀!我地出面清哂d病人呀!

清大叫:梗係啦,你清哂入黎呀ma!

我地不斷打針抽血寫護記,血壓加針放大便...

 

而我,之前不斷咁寫..完全無留意,我支筆係咁漏墨水..

我只手...

看來,我要等一個星期才可以洗去...

我幫病人打針..我都唔好意思..

我只手咁樣,病人真係好驚..

但無辦法,真係水洗都唔.清...

我只差漒水未用吧..

明天和後天放假,有空約我吧^^

 

 

(記得有心的朋友睇埋日記294呀,加了日程...真係記敍流水帳...)

 

各位聖誕快樂呀!^^

大家要幸福快樂呀!!

 

以前想過一個溫暖的聖誕..

現在卻想過回一個寒冷的聖誕!

睇新聞,北極的冰於2013年預計會溶哂,

聖誕老人要搬去更北的地方!

 

想當年中學畢業旅行,回來後係5度,下雨,

我穿兩件羽絨都覺得好冷(落街買豉油)

以前d校裙,我係在被窩著的!

真羨慕以前的生活,可以冷冷的上堂..

 

不,令我更開心的,

是那青春的時光吧^^

 

------------------------------------------------

聖誕節,係令人充滿憧憬的節日,

對我來說,代表希望,愛和幸福,

以往的聖誕,和現在的聖誕,由於社會的轉變,

和人的長大,硬係覺得有點走了樣,

但意義永遠得一個,

始終不會變的,

因為...

...Christmas in my heart...

 

主愛世人!願主祝福我的親人和朋友!和這個世界!

 

前日7:20起床,返7:30,好,我趕,無問題...無遲到..

今日7:25起床,返7:30,由於再趕心臟會受不住,於是,打返去..

我:"喂,你好呀!我係咖喱呀,我剛剛才起床,我要遲5-10分鐘才回來,幫我同今日的紅a阿姐講聲呀!"

同事:"死野咖喱呀!遲到!,快點la,我會同佢講聲"(原來係table-chair)

 

我就慢慢黎..慢慢黎,穿好衣服,梳洗好,吃埋個包,穿好制服,真係10分鐘後可以站在護士站,

而且,佢地仲未交班..

呵,呵,真係神速!

 

--------------------------------------------

以下的事件都係發生於2007年12月24日的!

上午:返工至12點...

中午,回家休息...

下午:由於上午阿ling人約我去睇電影,(咪講笑,蜜蜂電影,花鼠明星俱樂部,驚天奪寶我都好想睇!)

      最後決定了看蜜蜂電影,就帶埋細佬去,於是由德鴻做司機,我,我弟,德鴻,他弟,和ling人..

      開開心心駕車去,鬼知大會堂..d人在門口排隊..排到出街..

      於是,就決定去了路環黑沙,來個親子同樂日...

      (我在戲院門口的追車事件,我不想作詳細記錄,只知隨我以外..全部人都間歇性失聰,我超樣衰)

 

     在車上,超級熱鬧..相信我和我弟是最嘈的!而teddy弟得11y,但好正經..

     我弟,9y,好弱智..是否同教導有關,我諗都係,阿媽,你點教仔架!(苦了我呢個家姐,我擺到明係正經的樣)

    

    先是去了安德魯葡撻,再去黑沙公園對開吃燒烤,(一只雞批=廿支毒煙)

    見到一只狗仔行過,於是我餵埋佢吃,

    點知到第三塊的時候,我唔小心,掉中狗仔個頭...

    我心裏一寒..好在,佢知我係好心的,所以無殺了我...好在..真係..煨到震...

 

去海邊..只見兩小朋友同德鴻玩得咁開心,我就和ling人吹水..真係不亦樂乎~

 

    走了,去了莫義記吃東西..

    我只即刻吃的,就在三色大菜糕上加了花奶..

    我地開開心心講d搞笑野..點知衰人teddy技術有限,突然轉了波..

    部車跳了一下,我就...全身都係三花淡奶...

    他當然被我破口大罵,

    但佢竟然,佢想吃的時候就泊埋一邊吃...

    此刻好想叫拖車拖鬼走佢...個人!哼!

 

   有時真係搞下d親子同樂日~真係好開心架!

   小朋友的活力,能感染我們,心情都靚d,雖然好頑皮,但係小朋友就係咁架la!

   

   -----------------------------------------------------------

 

平安夜,報佳音~去了4年..

一年比一年開心,

因為同弟兄姐妹真係打成一片,

又互串,又互打!~

真搞笑~

今年多了林蚊一家,好開心..

佢婆婆一早就打比我,問我去唔去,

佢婆婆咁鍾意我,我真好開心!

看來,為老人家事奉,

遲早都我的方向^^

 

加油!

好友:嗯,我同佢...開始左啦..

我:下??????????咩話???????????幾時既事呀?下?咁突然既?下下下???

好友:係呀,我都唔知呀,一切來得太快了..

我:(無言,心裏有十萬個不捨)

我:嗯...不過我知道你"今次"選擇的,我覺得是最好的!對你有信心..

    我真係好羨慕哦,但又好唔捨得,不過見你咁幸福,我真係好開心^^

好友:唉,不過,同佢一齊,咪有排先可以結婚?

我:下?點解呀?

好友:佢讀埋碩士先呀!

我:阿姐呀!碩士讀2-3年咋,你係咪等唔切,想年尾結婚呀?

好友:haha~現在年尾啦喎~

我:我暈了~

 

果然,女人的幸福勝過千言萬語,由心發出來的^^

嗯,你真係要幸福哦,

我將你,交給他哦^^(某人曰:關你刀叉事?)

就係關我刀叉事!吹咩~呵~

 

p.s:30/12神秘約會,要保密哦^^

p.s:請那個朋友仔接受那位女孩子的愛吧,要人等,太壞了,我看得出那個女孩真係好有意思,相信你自己都有意思吧,我會由心好好祝福你們,願你們幸福!

 

 

就黎聖誕節了^^

好開心,今年都可以於24日晚去聖誕聯合崇拜..

晚上可以報佳音,

因為我12月25日返N班,基本上是放假,26先至係返00:30~

感謝主,

聽說每年聖誕都會有幾個血淋淋的來急診,

真係紅色聖誕了^^

 

今年街上的聖誕裝飾,我十分喜歡!

剛剛裝的時候,見到俾利喇街的企鵝,

超喜歡,十分喜歡,但哥陣未有發光,

有點失望,好在,之後加返D燈,

超開心,因為企鵝動作好抵死,佢用個肚來滑行,我想知,肚子白色的一片,

是否滑出來的?HAHA~

 

好美,好WARM,如果多D燈飾就好了^^

 

今年快完結了,

07,發生了好多的事情,

有好有唔如意的,

但總體來說,現在不是好地地MA?

嗯,我的人生,又向前行多步了,

將來是怎樣呢?

 

 

 

 

 

嗯嗯,尋日先發現,今日是本小姐的舊曆生日喎!

於是好醒目咁,一記起就同哂家人講!

呵呵,佢地計舊曆架!所以今日就有得慶祝!

今年舅父都係屋企,所以又多一封利是!

嘻~又有蛋糕~(年年係我自己走去買..今年舅父主動去買,呵呵)

嗯,好開心la!~

今日放假喎,一早起床,搞d重要事,然後約了達娜~個衰野~著衫係幾索既~

因為佢將佢的缺點收到好好咁,相反我就好樸素了^^(唉,我諗我都係"身痕"架啦~)

做完正經野後..

中午慶祝,屋企人唱生日歌比我聽,老豆唱到走哂音,阿媽忘記歌詞,細佬係度尖叫,

舅父在一旁狂笑,我默默對住蛋糕,"happy birthday to me.."

 

下午小雨送生日禮物比我,開心到我..

嘻,好多謝你呀,果然係營養師,完全顧及到我身體的需要,

我會晚晚都吃一顆"仙丹"架la!hahaha~~多謝你^^

 

晚上和小盈去"美麗約會",

好興奮~

今晚仲係小盈請吃飯,

好開心好開心^^

 

如果日日都係咁就好了!

包你人都開心d,又健康d。

 

大一歲,思想要長大了^^

但我一定會繼續保持這個純潔的心!

繼續扮弱智(講笑而已)

開開心心,為別人帶來更多的歡樂!

 

感謝主!

 

Happy Birthday to us..

 

 

 

 

haha~
果然比"友人"講中了!

尋日杯奶茶,係會令人亢奮~成晚個人都好似好飄飄然咁~

好在一杯,

如果加多杯,今晚返多個p班都得呀!

 

呢三晚的夜班,我好開心,因為我拍了一個好"濕"的護士返工,

果然真的"負負得正"

我未入過搶救房..

haha~上次拍佢,我地係講鬼故的,仲講星際的結構問題..

 

好開心,真的好開心呀,

現在打針已經無咩問題了..(間中一兩支不中)

尋晚仲係神槍手!!

期間我同一個病人吹水,佢問我係咪本地人,為什麼我的普通話咁標準..

我開心了好耐..

之後去幫佢拔針..

他說,我應該是澳門人吧..

因為多說兩句就...

白開心..

唉...

算la,我都知道自己的事~

唉.....................

係難架la!~吹咩~

不過開頭騙到人,已算難得..

 

尋晚放工後去宵夜吹水..

超級肚餓..

haha~席間同事鼓勵我,

或許,可能我再長大一點,我會有不同的睇法..

於是稍稍有了個決定..

係既,我吃鹽不算多..吃零食最多~(呵)

 

剛接到電話,好奇怪的感覺..

覺得..有點重要的東西我放不下..

是什麼?

為什麼會有這種感覺?

我都唔知,

但願,主會帶領我,走一條合符祢旨意的人生路..

今日夜班,

我,沒心情..

希望今晚,有點刺激,

例如有靚仔探我啦^^

但不是搶救呀,

因為我不想再見到悲傷場面,

 

好好記一下要記的事情,

一:大鼻和鋼牙好可愛,現在拿到床單和被子,睡覺好溫暖~

二:尋日考完試了,輕鬆哂,但..收到香港的不知名的電話,咁就訂了雜誌,1845元,個個都話我白痴,但有朋友都訂緊呀,係咪真係咁不堪?

    但諗諗下,我家背後是圖書館,想睇,不用訂吧,總之好...弱智la!果然,貪吃的人容易被騙(爸爸說的)

三:呢排睡得太多,一日起碼12小時,好累...希望精神係可以儲起來!

四:今早發夢,急診搶救,心跳呼吸停止,好緊張...好緊張,然後,真實的十字車聲,把我叫醒,嗯,係時候起床了..

五:這陣子為了決擇的問題,煩了好耐好耐..係時候,為自己下個決定了..

六:我真的太心性急了,我要慢慢停下來,什麼事都慢慢來,慢慢來,不要急,我有的是時間!

七:今日和rella去理工體育館探手球隊胡教練,他,明天走了,回到廣西,不再執教澳門隊了,曾於某天奧運為國家隊取下金牌,也是最佳的擊球手,加上型英帥靚正的外型,我和rella於多哈認識他時,已是他fans了,教練,我地會去廣西找你的!一路順風,唉...有點失落...

想起那時的笑聲,要好好記住^^

八:我要堅持,忍耐,努力,為自己打算!

九:我要好好管好自己的錢,不好再咁大方了..唉!

十:好友想要約我,看看呢個blog的"我的工作時間表"呀!!!我好悶,約我啦約我啦!(真樣衰)~

 

 

23:00加:剛剛消防康去我樓下,幫我拿東西比教練!(好辛苦咁準備了一個下午)點知...

消防康竟然車埋教練過黎!呀!!!!!好怕羞呀!好驚喜!hahaha~~~教練~~~~真係好nice!

雖然我不是手球隊的,但我是手球隊的忠實fans呀!太受寵若驚了~

跟住我送上小小的禮物!嗯!千叮萬囑要回家看!我怕羞呀!hahaha~~

教練好好咁,送返我兩大包食物~hahahhaha~~

跟住就吹水la!!好開心la!~

好唔捨得呀~

rella~我們要去廣西找教練呀!!!

一定要!一定要!

教練,一路順風^^

 

 

對,我今日真係超核突...

話說呢排..精神十分不濟,

頻頻發呆..

腦子空白..

日日都唔知自己做緊乜..

今日仲要我去預防注射站..

幫d bb仔打針..

真係好大壓力..

 

中午跟急診,無驚無險甩難..

下午跟外科門診的小手術..

跟的醫生都ok..

但係就不會在手術中播歌..

第4 位病人來了,

佢話好驚,

我二話不說,"我開d歌你聽la!"(其實係我想聽)

我開了電話的歌..

初初我怕醫生不喜歡(因為個個醫生不同)

但佢又無出聲,呵..

過程十分正,因為有歌聽..

點知..到最後差不多完的時候...

我妹妹之前send d歌比我...包括一只好粗口的英文粗口歌...(我都不知道)

一開,係disco的音樂..

我仲開到最大聲...

佢不斷係度"shxt...x100000"

救命,阿妹,你幾時放只歌係我部機度架..

我手穿無菌手套...滿手鮮血..

 

於是,我在極度無奈情況下..由得佢"shxt"

醫生好醒目,不斷同病人講野..希望佢聽唔到..

最後我當無事咁關了..(不過差唔多唱完)

 

醫生最後問了我一句"姑娘仔,乜你鍾意聽呢d歌架"

我:"其實...唔係架,我///......"

算la,無理由賴阿妹,

好似無交功課賴阿媽咁..

 

部電話我的,你咁講有人信嗎?

 

我真的不知躲在那里!!

超樣衰呀!!

 

p.s:今晚發生了一件事,不過,我不記仇的!不要記下來!^^

p.s2:明天早上9:00-13:00去身份証明局打流感,好開心,又外出啦!

p.s3:新加坡和馬來西亞的相在整理中,大家唔好睇住,遲下先睇la!^^

失眠又開始伴隨著我,

前幾日夜晚,由於過份緊張..

現在..一有時間就會睡覺...

生理時鐘失衡了..

何時才能有正常的規律?

 

1:30左右睡在床上..

3:30還是睡不了..send sms to 友人們..

個別回應我..

有一位好友打給我..

好開心,因為我都為了選擇的問題而煩..

閒談間..

竟然說了一些我不知道的事情..

對,我呆了,我嚇了一跳..

點解會咁架?

點解呀?

真的是我太低能?

哈,我未長大吧?

長大就要這樣?

是我太過天真?

本來失眠,

聽完後,更加失眠...

 

哈...今朝5點先睡..

6點半起床...

 

7:30準時返工...

 

現在我是不敢想起昨日的內容,

一定是發夢的!嗯!

 

好累呀!我都係訓下覺先!嗯!

 

弟弟病了,看來有排煩!(千萬不要支原體肺炎呀!)

我:家姐帶你去玩呀!

弟:好呀!去邊呀?

我:帶你去睇聖誕樹呀!(民署有得睇)

弟:車~無聊...

我:衰仔!咩叫無聊呀!

弟:就好似吃白飯一樣咁無聊..淡而無味..

我:衰仔你幾多歲呀!學人咁講野!

弟:9歲lo~(繼續打機唔理我)

我:好悶呀!陪我去玩la!!!!!

弟:你都傻傻地!

 

看來....今時唔同往日了!

家姐..好寂寞哦...(阿妹已經嫁左人咁,好耐都無見過佢了..)

嗯,今晚二個小時內,三個搶救,

我由觀察室被call出來了,

多謝各位..

好苦惱好苦惱好苦惱呀...

點解點解點解會咁架???????

 

嘉莉,濕氣重都有個譜架...

真的...有恐懼..

每天的上班,都會有預感自己會遇到大獲野..

而每次預感一到,就一定會遇到!

久而久之,我會好驚...

心想,點解又係我架?

夠la!...

由於害怕,就會想得多..

想得多..就會開搶救房開得多...

 

有時我在想,如果,我把過去參與搶救的護理紀錄..集成一起..

我相信,可以出書了...

咪講笑..真係好驚..

 

呢排係咪唔知做乜..

一出護士站..經過分流處..

不其然就會有一架十字車跟住我..

同事都叫我唔好出去..因為太可怕..

 

看看更表,本來下一part是和思賢和德鴻上分流線的..

點知.唔知係咪我太濕..我的位置同下一個同學調了..

即係未上得住喎..

咁又係...咁多節日..已經夠多人..如果一次搶幾個救..還能有人工作ma?

我到底做了什麼?

點解會咁既?

我不想以"濕精"為名..

我只想透一下氣而已..

 

不過,真係好多野學..

好多野知道..

這是唯一我覺得安慰的...

 

好吧,証明我年青..

我捱得的!

來吧!我不怕!來吧來吧!

 

 

 

人生,總要面對很多的決擇...

而所有事情...

總不能十全十美...

 

一個是我的理想..

一個是滿足我所有的需要..因為我空虛...

 

究竟...如何是好?

 

如果後者對我半途而棄...

我將會有可預期的不良後果..

 

嗯.真討厭..

 

為何世界就不能十全十美...

 

-------------------------------------

 

嘻~一陣又值夜班la~

今晚的陣容是,全急診最"濕"的人盡在此!

 

哈,希望負負得正...我要的是...休...息...

 

後天護理部考試!奸爸爹!

 

-------------------------------------

 

兩日前我的好友由遠處回來~尋晚在msn,突然話約我今晚宵夜..

原本不知情的我,真的嚇一跳..

好開心,真的好開心!

於是我們約好今早一起去松山跑步..

 

想想,升高三的夏令班..

我們都早上6:00起床...然後跑山...

那時還常常見到榮興老師,松鼠伯伯,霞吓,潔儀等老師...

還有一個每天早上都在山邊大叫的伯伯...

7:30準時吃早餐..

然後回家沖涼...9:00準時上課...

如是這..一個月..

 

高三開學後..由於選了生物,沒有了體育課..

我們在數學補習班前,又去了松山跑步..

哈哈,數數..4年多了...

 

今日講起,真的不知道當年的自己有咁大的能耐...

真的好佩服..

 

亦都好多謝這個好友..

一直默默地係身邊咁支持我,照顧我!

真的好感謝..

 

好在你的樣子無咩點變..

一樣咁細路..

好有親切感,

令我都覺得自己,其實都無咩點變呀!^^

 

我都是那個天真無邪(有點白痴)的我,

仲有點輕度弱智的我..

 

對,開心最緊要~

 

雖然好多的人面都變了,

但總有一些不會變,

對於我,

我會好好珍惜,好好愛護!

 

讓這份情,"長命百歲"!

 

硬係覺得我呢個blog...

充滿娛樂性...

唔緊要,最緊要大家睇得開心^^

 

呢幾日同屋企討論結婚呢個問題...

講到擺唔擺酒呢個問題...父母竟有不同睇法...

爸:擺咩酒呀,吃得好又貴,吃得唔好比人話,吃得普通都話呀!

我:係喎,原來有呢d問題存在架?我諗住有得吃就好開心了!

媽:不如就叫熟人,吃下飯就算la!你親戚又唔多,叫埋d唔三唔四咁,人地收到貼都唔開心!

爸:除非你找個有錢老公la!要不然,你去旅行結婚算了!

媽:係lo,旅行結婚幾好,又有得玩..又開心又省錢..

我:下?????????乜你地的思想咁in架???旅行結婚都up得出..?

爸:呢個係事實,你話係咪先!

我:估唔到自己的父母,思想比我更開放...更開放...

 

爸:乜講咁多..你快d嫁出去,跟佬走la!唔好再係度吸我地d血...

媽:係lo,都咁大年紀,你想點呀?你阿妹就快得制,你就遲得制..真係跟我地一世咩?

我:hahaha~~你地唔好催!可能我突然結婚,嚇親你地呀!hahaha~

 

以前的我,我一定會唱下歌仔,當下耳邊風,跟住拉開話題~

那天晚上,當我看到新娘子為父母奉茶...

女家父母是..有點傷感的...

 

有時在想,家里突然住少了一個人,感覺是...

雖然不是不見面..

但...真是百感交集..

可能第日到自己結婚時,唔知要點樣調適呢?

 

不過,這個階段,每個人是必要的經過,

所以,從這刻開始,好好愛錫父母,

最多第日結婚時,帶埋你同我地一齊住la!

(某人曰:張小姐你想太多了吧!)

 

2008年好日子!各位好友要加油!我銀包已準備了彈藥!我都要加油~!

 

---------------------------------------

 

前陣子ling豬送了聖誕禮物給我,

是一只好大好靚的聖誕sock!

今晚我同媽媽講:媽~我今年有一只聖誕襪,如果聖誕節有人放禮物入去就好了!不如你放一千蚊入去呀,我會好驚喜架!

媽:不如我放你本存褶入去呀!你大把錢!

我:..............................................

 

-------------------------------------

 

某天和妹妹行街,我入到鋪頭,突然多了好多人..

妹妹:家姐,你真係旺,你真係去到邊都咁旺場,唔怪得之急診d人都話你濕la!

我:你又知?
妹:係我先咁留意你架咋!

我:呵呵,你無拍拖拍到忘記屋企人,都好d..好在我做急診..如果我做殯儀館咪大獲?

妹:haha~~咁就真係死得人多了!

我:你都痴線~haha~~

 

之後我都有留意自己..是我錯覺還是什麼,去到邊,旺到邊...

 

-------------------------------------

 

最近愛吃:莫義記榴槤雪糕,潘威記提拉米蘇(港澳口味),黃枝記牛腩蝦子撈面,偉記椰芒汁!~下期新精選,會再向大家介紹!!

 

 

 

 

曾經說過 尋覓愛情
就像天與地別離和重聚過程
而我跟你 平靜旅程
並沒有驚心也沒動魄的情境

只需要 當天邊海角競賽追逐時
可跟你 安躺於家裡便覺最寫意
只需要 最迴腸盪氣之時
可用你的名字 和我姓氏 成就這故事

*從此以後 無憂無求
故事平淡但當中有你 已經足夠

如果要說 何謂愛情
便是跟你動盪時閒話著細情
和你走過 無盡旅情
就是到天昏髮白亦愛得年青

不相信 當天荒不再地老不合時
竟跟你 多相擁一次便愛多一次
只相信 最迴腸盪氣之時
可用你的名字 和我姓氏 成就這故事*

快樂同樣像你我一對 已經足夠

----------------------------------------------

2007年12月1日~是的大學好同學的結婚大喜日子!
她高挑,極度漂亮,心地極善良,又好溫柔的一個好好女孩!
和一個我地大一時一起認識的一個紅十字會的同事,HAHA~~
雖然不相熟,但睇阿鼠個blog都知道,男仔是溫柔體貼,好有心思,成日會給女孩驚喜,
會弄好多手工,自製蛋糕,等等~哈哈~

他們剛一起時,我都知道,應該到最後了吧!

哈哈~~
收到消息時,我都估唔到,
不過,好野唔好等呀!!
好好把握!

那天晚上,好多的姐妹都係同學,她們都係靚到飛起(要多謝化妝師!:p)
全晚最感動是...他們一出場,播著"你的名字我的姓氏"
嘩~真係好好聽呀!
初初以為佢播碟..點知,係新郎哥自己唱..全場都拍爛手,
而我哥台,為了支持佢地,我地全台人一同起立拍手!
ray!你係得既!
阿鼠真係靚到..我係男的,我都不會放過她!hahaha~~~
全部的兩人宣言,兩個人的眼神交流..
不用多說,真的心有靈犀了^^

阿鼠是大家心目中的女神,現在變了幸福小天使,
看著她,
大家都決心,要快點結婚,
看來,來年的結婚潮將會是一浪接一浪~

雖然,要給人情,
但我絕不會手軟的!
你們放心去結婚吧!(某人曰:張嘉莉係咪上腦呀,人地結婚要你批準咩?!)

嘻嘻嘻嘻嘻~~開心呀ma!各位真的要請提早講聲,我請假曠工都會來^^

事不宜遲,看看幾張新郎新娘的靚靚婚紗相!

更多的Ray & Vivian 的婚紗相

願你們相愛到白頭!

 

 

早餐忘了帶錢..

明早要還阿姨9元...

 

早上值班...大粒人急救...

要我去跟...

壓力大..

血糖低...

頭暈暈..

差點誤以為靜推注的set係運動員的終點線..

就咁衝過去...

好在姑娘拉住我..

要不然,針頭拔了..

大粒人要捱多針...

此舉是在眾大粒人下..

我還要扮無野...扮無野..

 

成日都處於混沌...

中午收到一個驚喜..

是12月1日的新娘子打來哦!!

haha~~我忘了confirm佢..

放心,我明天一定靚靚出席架!

 

她笑笑說,現在只差拿婚紗,和婚紗相..

好多東西都搞掂哂架la!

 

她最後千叮囑我,一定要打扮靚d,

明天晚上有好多男仔出席,

她會為我介紹一些好的..

 

我笑笑說一定會~

傻瓜黎架~我一定出席架!

 

以為她會打給所有人..

原來...她真的只打給我..(不是confirm咁簡單吧~)

看來~明天我有艷遇lo!

呵呵呵呵呵~~~~

我是否想太多?

 

以後有咩活動我都會參與,

擴大生活圈子呀ma!^^

不過我不會飲酒的!嗯嗯!

 

媽媽吩咐我,不要再買性感了(上次係媽媽叫我著低胸的)

理由是:天氣凍了,未病好..

暈..
媽,你個女身材正.但係不會成日露架~

睇心情la!!hahahaa
放心,有人讚你個女,我一定會話我似阿媽~

呵~

 

睡了~捱埋明天,放兩日假~
加油!