11月3日

今日一大早就起床,準備坐十點機去布里斯本,
想起昨天的不適,今日都有點病病的感覺,
2小時的機程,依然好討厭離心感...

下機後立即去華納片場,好開心,又係小朋友世界,
去到吃自助餐,立即大殺熱氣野,尤其剛出爐的炸蝦片,
因為到達的時間已是下午2:00
倒落肚後立即去玩,由於本人勁怕急速下降左右瘋狂轉的玩兒,
跳樓機及過山車一律免問,
然後,我和朋友和另外兩個圑友,去到一個類似鬼屋的門口,
我都不想玩,又被人氹氹下又玩
入到去,仲要坐車仔,我想,鬼屋又坐車,追唔到我.....

開頭都沒什麼,間中有點東西彈出來.
我坐頭位,見到路軌有點不平,有少許離心,可以接受..
本身燈光黑了,突然好多閃閃..好似未來戰士咁,..
我地部車..突然搭電梯..急促上升...我大叫..唔係呀......
係呀...佢升到好高...
然後..發現佢係過山車的時候,就太遲了..
急速後退中...........!!!!!!!
仲未完,佢180度旋過來,向返前..繼續好多S型係咁轉,
又係咁急速下降.....
一直唔玩呢D,唔驚唔覺,我又破戒了...

之後睇史力加4D,幾好睇..
然後...又去旅行圑做水魚..
我買了好多,仲有鮑魚...阿媽要我買..好貴LO..邊個話平...
仲有好多好多水魚,我破了產,我真孝順,
算LA,我諗好耐之後先會再來澳洲,豪下LA!!

同D圑友熟左,雖然成圑得8人,但都好開心..
而其中一個圑友係一個80歲的婆婆,仲成日吃熱氣野,又有高血壓和血脂高,
但仲成日環遊世界...

 

澳洲日記2之攞你命3000

 

由於昨天得知去大堡礁要來回4小時多船程,

已經心知不妙..

結果,真係唔使驚LA,因為,我今日嘔到眼都突埋...

 

早知咁樣.我就留在酒店...

早上9:00吃早餐,10:00上船才吃暈浪丸..

原來每年11月是澳洲大風大浪的日子..不是旺季..

於是,就用細船用1小時多去綠島大堡礁..再接大船1小時..

途中每一刻都是在玩過山車,又左右海盜船,沒有停下的跡象,

最後頂唔住,嘔返早上的煙三文魚,本來好一點,然後陸陸續續聽到男女老少在痛苦地嘔,

我聽到後,又嘔埋一份,最後嘔到黃胆水都出來了,胃和腸都開始抽筋地痛..

我受不了,倒在地上,工作人員行埋黎:ARE U OK?見我動了幾下,佢掉下一個紙袋就走了..

我的好友佢都嘔到七彩,佢見到我倒在地上,摸下我的頸動脈有膊動,就唔理我,因為佢要繼續嘔..

 

中午在浮台上吃飯,我死魚咁,本身想潛水,最後變了快速的浮潛..

走時我極想直升機回家,可惜只有二人...

要6人先飛,最後又坐船..我記得有個阿姨同我想坐直機,2000元港紙一個人架,佢求我,要我找多幾個人..見到佢咁,真可憐..

 

回來吃了兩粒好強的暈浪丸,14蚊港紙一粒,最後順風一點,我只嘔了一次..

夠LA,大堡礁海底靚,但季節和大浪問題,少魚,坐潛艇,無野睇..

下次要諗下先了..

澳洲日記一

香港機場到澳洲開恩茲,7小時15 分鐘機程,見到頭等的床位,發誓我要發達!

成程機好定,點知降落時有3秒左右急降,我就嚇到暈了幾個鐘...

早上早餐機上無吃(面包一個)

留住帶到機場拿行李度..怎料面包都不能帶入境...被沒收了...

 

立即去坐個半鐘熱帶雨林纜車..高到腳軟,但又感動大自然...

去玩袋鼠..坐第二次世界大戰的水陸兩用車~

跟住..看土著表演,好商業化...

 

晚上在carns城市走走,又有賭場 又shopping mall

手信店好多,開的都是日本人韓國人~

終於衝出亞洲了~周圍都是外國人~感覺我出省城了..

但是,代價係...這里的物品,澳門價錢,但用當地貨幣(即7倍)
再想到明天去大堡礁...4小時的船程...11月又有大浪...
我就想暈了...唉...