心情靚靚靚靚靚靚靚~~~~~~~

why?真係從未試過咁開心...
主要係因為...
第一,我尋晚哥晚通宵更,好穩定,

來來去去都主要在10個病人以內,
我個人完全可以控制到!
仲有d長期醫囑又無乜...

 

入左去吃下宵夜,3:00都未夠就出黎..

無哂東西做,治療又做哂,病人好穩定,全部訓哂覺!
我一個人好悶...想想下有邊d人可以陪下我..

講真同d姑娘又唔熟..

 

我d老友記又訓哂覺,

唔通真係叫人起身疴尿咩,真係未死過..

 

於是...我打去鏡記...

想想觀察室又無乜自己友...

諗到分流全是自己友///

我就打過去...

原來係親愛的卓綺T-C!

好歡樂,吹水吹到樂也融融!

佢話以為我想返黎睇醫生,

估唔到都可以係山頂打去鏡記吹水..

感覺好親切,

早知以前一早係咁LA!

 

好開心,跟住我有野做就收了線LA!

HAHA
以後我悶,我都會打去鏡記分流找自己人呢~
呵呵呵~~~~~感覺真係好奇妙架!

 

最開心的,莫過於今早...

有個男病人,佢有肝硬化,腹脹(有腹水)至呼吸不暢進來的!

重點係,這個病人是我們上一更交下來,
無咩特別,吊下針,等血報告..

但係血壓一直處於低水平...

說話有點模糊..

 

整更都無特別.
今早發現佢右手肘處有小傷口,主訴係二天前自己在洗手間跌倒,於是我幫佢洗傷口...

但我發現床單上有10幾點小點的血斑..

我在想,手肘的傷口一早乾了,為何有血?

 

好在我沒有唔理佢...

我叫佢轉身比我檢查頭部...

佢先講.佢二日前,先撞親個頭再整親只手...

看來頭部有出過血...

摸上去有點血腫...但有點不尋常的手感..有點...波浪感..

 

頭髮給血結在一起...

我本想洗洗傷口就包起來..

但想真一點,那我同一個不負責任的人有乜分別!

於是我認真起來!

 

頭髮結住,我用心用NS沖,慢慢洗開那一堆頭髮...

洗了好耐...

發現有傷口...打開了口,好強...

於是我知道唔對路..

和我拍更的護士路過,見到咁樣,即刻幫佢剃頭...

 

誰不知,一條長長的傷口長達7CM,深1CM在眼見,

雖然沒有流血,但係...還是張口...

 

通知醫生,立即推去縫針...

醫生說,手指伸進去可以摸到骨呢...

然後建議做頭顱CT!

 

這時,我覺得自己好幸運,

因為我在好眼訓的時候,沒有偷懶!

覺得好激勵!真係好激動!

自己不是一個無用的人,我係可以發現問題的,

我不是多餘的!

 

突然好開心的飄飄然~

好好對自己說,工作始終要做,可以的話,做好一點!

不要怕麻煩!

找到問題,我好開心!真的,好實在的感覺!

 

以後,要繼續加油加油呀~YEAH!

 

實在是...
我要大叫!!!!

 

真係好弱智...

呢兩日要找到正本大學畢業証書比阿chefe(護長的葡文)
我今日翻轉我哥房...
找了三個幾小時..
在差點心梗的一刻..
我找到了.....

現在都有點心翳,

怪就怪我成日都唔執房...

 

救命呀!!
邊有女仔間房仲衰過狗竇!!!!!

連我只貓的家都比我整齊...

張嘉莉,我忍唔到你了!!!!
你快現形吧!

oh 賣吉!

 

 

我剛睡醒..
是...昨日工作太累了..

我一共接了廿多架十字車...

 

呢個都未做完治療,

又要接,
被逼就撞入去暫觀室..

真拿命..

------------------

放工返去鏡記...

好掛住大家...

嗯..

始終係大家庭...

真係唔同d,

希望,你們一切安好,我們都係!!^^
好開心我曾經是鏡記的一份子!

 

-----------------------------------

 

我,透不過氣了.

我決定了,

係時候,外出走走,一日也好,二日也好,

係時候了...

 

嗯,去邊度好呢?
邊個有興趣,來問問我la!

越來越發覺自己好唔掂...

成日都見好累...
心好累..
失眠不但只..還常常發惡夢..

夢見的,都是工作的環境..

天...

 

不過,要好好學習
我知道這是一門重要的課,

我明白的..

 

要好好學習,享受生活..

要學習,愛自己的工作,

A&E...好似好型的名字...(有苦自己知)

 

慢下腳步,慢慢來...

好好享受每一分..

 

記得記得唔好帶唔開心的情緒回家..
工作上的,在工作時受就夠...

要記住,回家就是新天地...

唔好再屈係家中...

多外出走走...

 

嗯,我知道的...

 

好朋友們,有空記得約我,
不要讓我自閉..

 

----------------------------

我:小包,我呢幾日都發夢,發工作哥陣比人罵...

小包:咁嚴重呀,壓力真係好大喎!

我:嗯...真係好唔掂,慘...

小包:你知道我尋晚又發個咩夢呀!?

我:唔知喎!?

小包:我發夢,我個盒海南雞飯得4件雞,但係收同樣價錢,我真係好唔開心...平時係有7-8件架!!

我:哈哈哈~傻人,咁就唔開心...真係好搞笑...

 

想當年,我問過小包的一個問題,

我當時好傷心,上網見到就問:小包,有咩事情令你好傷心,真係好傷心架?
小包:嗯...有呀,剛剛就發生了,我件曼聯球衣放去洗衣機,點知洗爛左,我著得一次咋!!!!

我:你為了咁小事就唔開心..真係好...

 

小包真係好天真...好得意,

想東西又簡單,

所以相處起上黎都好舒服,

多謝你!
給我無限歡樂!

 

 

聽到少燕係鏡記比佢的無能阿頭蝦...

唔使返工比人叫返工..

返左工又臨時比人叫放假...(已返了一個鐘)

真係..

 

於是...我覺得自己好幸運...

我現在的苦,算得是什麼?

 

包仔話...以前我鏡記返工,成日都訴苦...話點忙點忙...

但現在,感覺上工作無以前咁苦..但係就訴人事..

 

的確,包仔真係好細心^^

 

慢慢走下去,發覺,每件事都會有一個過程.

慢慢就會清楚我條路要怎樣走,

 

今晚好奇妙,

嗯,拍拖8個月快樂^^

我們都要一起進步,一起愛主^^

 

唯有時間的過去,
我才會知道...我以後的路是怎樣..

我承認...

我貪吃,貪玩...
的確不能這樣無自由..
下年的假期放得咁唔平均...
我點去玩喎!

尋晚,男朋友在他好眼訓的情況下,

竟然都苦心指導我做人要如何有計劃,
如何理財...

我明白...

我成日去拖...唔去做..
成日得把口..

 

我知道了,做人要有點計劃才好..
要不然,會好空洞...

 

以前有些目標,有個時間比自己..
現在呢?
如果無目標,咁就一世架la!

 

最憎諗d咁複雜的東西..
但...唔諗,就係咁..
我又唔制呀...

 

究竟點好呢?

 

------------------------------

 

我在假期上面,比人蝦...
下年的大假...比一些早我半年的人話我地唔係填哥格..唔可以要求放哥d時間..
但好多人明明聽到阿長話填哥d..
我好鬼炆又氣..無端端咁好似比人蝦..

好在...有子珊撐住,對,我不是一個人比人蝦..係我地6個新人都比人蝦..

我為什麼成日都覺得自己一個人?

不對不對,我有她們跟我一起...

慢慢來,我要加油!!!

 

-----------------------

尋晚上夜班...

 

一出lift就一股強烈的臭味..
原來在隔離"拼圖"..

再夜d,有懷疑"炭疽"的病人..
我地全區高度戒備...
不過有點工友不知死活...走來走去..
好在係流料..
如果係真的,佢就係傳染源...

 

有時覺得,呢份工真係好恐怖..
真係隨時會無命..

有護士話想當年..sars期間..
連續兩個月..全套盔甲上班...
無得去廁所無得飲水...
回家日日都哭..

看來,我真係要計劃好..以後條路該怎樣走...

 

 

終於,終於,我都有點兒...開竅了...

 

為什麼這麼久才出來..

對,什麼是哀莫大於心死...

工作上的苦,令我喘不過氣,

十分苦,都痴線的,難道這樣,就可按時把工作完成?

 

總覺一個人做3個人的東西...

嗯,前陣子,我真的差點兒崩潰,

 

不懂去找人傾,不懂表達,

什麼都不懂..

差不多,不懂得怎樣去微笑...

 

一直想...早點退休早點退休..

才二十多?退休?

 

眼見同期的朋友都好像做得好好咁..

原來,她們返工,病人是睡不滿的...

我呢?
一上班,全條走廊的病人等住我//

發癲的不要怕,但不要幾個都係精神病..

還大叫,周圍吐痰,

又周圍瀨屎瀨尿..

 

還有好多無數的醉漢...

嘔嘔嘔...

有個曾跳海的,我也看過他...

 

唉...

 

多謝我身邊的好朋友,一些安慰和支持...

分享自己的經驗...

 

最緊要係...多謝我的男朋友,

多謝你係我身邊支持..

而且好體諒我的處境...

 

十分感激...

 

日後,我要走的路還有很長,

但願我懂得如何學習,如何釋放自己...

如何真正的,幫助病人...

 

p.s:今日我收到我在宣明會助養的小朋友的資料,他是埃塞俄比亞人,4y,哈哈,多了一個"兒子"好特別...

      我還是奧比斯的長期支持者..

      這樣,我收到這份糧,當係對自己心靈的慰藉吧..趁自己有能力,幫下人吧..